Shillong, Naiwieng 11: Ka jingiakhih shah thngan ka seng ki samla pule NEHUSU kala palat ia ka 149 kynta, ka samla Cicilia Pyngrope kaba dei ka Vice President ka KSU jong ka shnat hapoh katei ka skul bah kala kem tlot bad mynta la pynkit sha Civil Hospital Shillong.
Katei ka samla Cicilia shuwa ban rah sha Civil Hospital kala ong ba ynda kala kham khlain kan sa wan ban bteng biang ia ka jingiakhih shah thgnan ban pynurlong ia ki jingdawa jong ka seng, ban weng ia Registrar bad Deputy Registrar bad ia u Vice Chancellor ka NEHU.
Ha kine ki 149 kynta kiba la shitom bad la hap ban pynkit sha hospital kila don 9 ngut, na kine saw ngut kila ioh mih kiba dang sah mynta san ngut, ar ngut ki kynthei bad lai ngut ki shynrang, ar ngut ki kynthei bad arngut ki shynrang ki don ha Civil Hospital Shillong bad u wei don ha NEIGRIHMS.
Mynta ka sngi ki samla pule jong ka Synod College kila leit sha NEHU ban ai ka jingkyrshan ia ki samla pule jong ka NEHU ha kane ka jingiakhih ka jong ban pynioh ia ki jingdawa ha kaba kane ka jingiakhih kala kot sha 149 kynta.
