Shillong, Lber 30: U Bah Vincent H Pala MP jong ka 1-Shillong Parliamentary Konstitwensi u la phah ia ka shithi sha ka Deputy Commissioner jong ka East Khasi Hills District ba u la pynlait shiklur na ka MP skhim ban thied tiar ha kaba ia dei bad kane ka jingialeh pyrshah ia u khniang jingpang COVID-19.
Ia kane ka shithi u bah Pala u phah sha ka DC jong ka East Khasi Hills District ha ka 27/03/2020 bad ha kane ka shithi u la thoh shai kum kiwei ki thiar ban thied na kane ka pisa kaba dei ka bhah jong ka MP skhim na ka bynta jong ka East Khasi Hills District.
Ki tiar kiba dei ban thied lyngba kane ka MP skhim ki long, ki Ventilators, Masks, Preventive Suits, Testing Kids bad kiwei kiwei ki jingdon kam katkum ka jingsngewthuh jong u Director ka tnad ka koit ka khiah jong ka jylla.
Na ka liang jong u Bah Pala u la kyrpad ruh ba lada don kano kano ka jingthut ha kaba ia dei bad kane kin sngewbha ban pyntip sha u ban ioh ban pynbeit, lada la pyntrei kam ia ka skhim ruh kin sngewbha ban pyntip hapoh ka 45 sngi.
