Shillong, Nohprah 23: Mynta ka sngi ka Seng Congress lyngba u kyrtong jong ka na Mawlai u bah Marbud Dkhar u la ioh ban leit iakynduh bad aiti iaka work order kaba 2lakh tyngka sha ka Dorbar shnong Mawlai Iewrynghep.
Ha kane ka jingialang la ia don ryngkat naduh u rangbah shnong H. War, ki nongkit kam ka dorbar shnong baroh, ki seng samla, seng kynthei, bad ki nongshong shnong. Ha katei ka step la pyniaid ia ka jingialang da ka Dorbar shnong.
U Rangbah shnong u la pynpaw ia ka jingsngew nguh sngew kmen ba u bah Marbud uba long u samla rangbah na kane ka shnong u la trei shitom shisha ban wanrah iakane ka skhim shnong, namar haduh 10 snem ki la ud ymdon ba patiaw halor ki jingeh jong ka shnong kiba bun.
Ka shnong mawlai iewrynghep ka kitbok ruh ia une u samla ba yn poi sha ka thong ba yn ioh ban trei bha na bynta ki shnong ki thaw bad ia ka Ri. Na ka liang u bah Marbud Dkhar kyrtong ka seng Congress ban iakhun ia ka MLA election 2023 u la pynpaw ia ka jing sngewnguh ia u Blei ba baroh kine ki dei ki jingplie lad na u.
U la pynpaw ruh ba u sngewkmen ba yn ioh ban sam iakane ka MPLAD schemes shwa na ka dong Mawlai Iewrynghep namar nga dei uba la kha la san la heh, ka mei u kpa baiied ki hynmen para ki Niakha,u i parad syiem Francis ki dei nane na shnong.
U la ai khublei kyrpang ia u Ma Vincent pala MP ka jylla na ka seng Congress uba la trei shitom shisha ban wanrah iakine ki schemes ha ki shnong Mawlai .U la ong ba mynta ka step ka mesage ka long ba ngi sngew khia naduh mynsiem ba ia ka rukom long ka jylla ka don ha ka jingsngew khia bad dap daki jingeh suda.
Ai ba ka shnong Mawlai iewrynghep pat kan long ka nuksa pat ban wanrah iaka jingkylla hakiwei pat ki shnong ha mawlai, bad ka Mawlai constituency kan long ka nuksa pat ban wanra ia ka jingkylla hakiwei pat ki constituency.
U la ong ba shim ia kane ba ka dei ka kristmas gift ia ka shnong jong phi namar ban sam shimet ngan nym lah bad kam dei hi ruh. Kat sha ba ngi leit ki briew ki ud ki ong pisa Modi san spah shi minit la her , 2000 shi minit la lut, la da phiah kutia lei tang katta ym ioh syrngiew syrnget shuh.
Dei na kane ka daw banga sa pynioh trei shitom lem da kane ka scheme ban ia myntoi lang baroh bad ban ia ioh iaid lang uba duk ne ba riew spah. U la pyn kynmaw ruh ba yn iakhun ia kane ka election 2023 ka long kaba eh bha namar hap iakhun bad kiba don ha ka bor ha kiba bun ki liang.
U bah marbud u la ong ba un ieng ha ka nongrim jong ka hok ka jingshisha bad ka jinglaitluid.Maki ki don ka bor mangi ngi don ki issues ban kren. Ngi don ki issues kiba ktah jur iaka Ri, ba ngin leit sha u paidbah ban pynkynmaw kaei kba la jia hakine ki san snem. U la wish kristmas bad snem thymmai iaka shnong hi baroh kawei.
