Shillong, Nailar 09: Ka shnong Khonjoy kaba don ha South West Khasi Hills District kala shah thombor ki nonglute kiba la wan kiew na Bangladesh kumba phra ngut ei ei ha ka 7/8/2025 bad ha dien kata kila phet sha khlaw.
Mar ia tip ia kane ka jingjia na ka liang jong ki paidbah nongshong kila kthong ia ki hynrei kila phet sha khlaw bad ha ka jingdum jong ka miet ha ka 7/8/2025 kila sangeh ka jingthwet sha khlaw,
Ha ka sngi kaba but haka 8/8/2025 kila bteng biang ia ka jingwat ia kine ki nonglute kiba la wan tung na Bangladesh bad ha kane ka jingwat ha ki khlaw ki btap ki khlem lap ia kine ki nonglute bad mynta ka sngi kila bteng biang ia ka jingwat ryngkat ki pulit bad ki BSF.
Haba kren bad u wei ki riew rangbah na katei ka thain lyngba ka phone ha kaba la phah ruh ia ki Video la iathuh ba mynta ka sngi por step la ioh ban kem u wei na khlaw bad ha ka jingtohkit ia u bala ioh kem la ioh ban kem sa lai ngut kiwei pat baroh mynta ka sngi la ioh kem saw ngut.
Kane ka jingthwet ia kine ki nonglut la wat lang ki paidbah na katei ka shnong, ki pulit ka jylla bad ki shipai BSF, kat haduhba thoh ia kane ka khubor ka jingthwet ia ki saw ngut kiwei pat kiba dang jah ka dang iaid bteng.
Haba kren ha u SP News Agency u Superintendent ki pulit ka South West Khasi Hills District u bah Banrap jylla u la ong ba ka dei ka jingshisha ba la ioh ban kem saw ngut ki khar Bangladesh, wei na Khonjy bad lai ngut na Chibak, da ka jingiatreilang ki pulit, ki BSF bad ki paidbah.
Katkum ka jingiathuh ki paidbah ki ong ba ki don phra ngut, hynrei ia kata kin sa tip shai ynda kila tohkit ia kine kiba la shah kem namar mynta ki dang ialam ia ki sha jaka sumar namar katba shah ka ain.
