Shillong, Nailar 13: U Deputy Commissioner jong ka West Khasi Hills District u bah T. Lyngwa u la iathuh ba ia ki nar injek kiba la lap na shnong Ksehkhohlong la liet ban shimti da ki pulit jong ka Nongstoin mynta ka sngi ha ka jingiadon lang ki magistrate.
Haba la kylli hato kan don ne em ka jingujor FIR, na ka liang jong u DC u la ong ba ki pulit kin sa leh ia kaba don kam. La ong ba ia ki nar injek kiba la lap da ki briew la leit ban shimti da ki pulit mynta ka sngi na katei ka jaka.
Ha kane ka jingleit jong ki pulit ban shim ia kine ki nar injek kiba la bret pathar ha shnong Ksehkohnglong kaba long tang 11 km shuwa ban poi sha Nongstoin la don lang ruh ki riew rangbah na ka shnong bad la bthah ia ki nongkit kam ka shnong Ksehkhohlong ba kin kin air uh ia ka jingujor.
Na ka liang jong ka shnong Ksehkohlong kala ai da ka FIR sha Nongstoin Police Station ha kaba ia dei bad kane ka jingbret pathar ia kine ki nar injek ha katei ka jaka bad ha ka FIR la kdew ba kine ki nar injek ki dei jong u Dr. P Lyngkhoi.
Ha kane ka FIR kaba la ai da ka shnong kala kren shai ba kine ki nar injet kiba la bret ha katei ka jaka ki dei jong u Dr. P Lyngdkhoi ka long ba la shem na ki kot ki sla kiba la don lang ha kitei ki lai tylli ki synduk. Na ka liang jong ka shnong kala pynpaw ba kin sngew tynnad ban shu wan bret pathar kumne.
Ia ka FIR la ai sa sha ki pulit mynta ka sngi la soi da u bah A Lyngdoh Secretary bad u Sordar shnong u bah L Lyngdoh kiba hap hapoh jong ka hima Myriaw Syiemship.
