Na Polo sha Secretariat iaid kjat u Conrad ban plie ia ka “Fit India Movemenent”

Shillong, Nailar 29: Mynta ka sngi u myntri rangbah duh jong ka Ri India u  Narendra Modi u la plie iak a “Fit India Movement ha Gandhi Indoor Stadium ha New Delhi, katba ha jylla Meghalaya la plie ia ka da u Myntri Rangbah ka jylla u Conrad K Sangma.

Ia kane ka “Fit India Movement” ha kane ka jylla u myntri rangbah u Conrad K Sangma u la plie ia ka da kaba iaid kjat na iing soh jong u ha Polo sha Secretarait, ha kaba ia ka jingialang sorkar kaba la pynlong ha Yojana Bhawan, Main Secretariat.

Haba kren ha kane ka jingpli ia ka “Fit India Movement” u la ong ba ki paidbah jong ka jylla Meghalaya ki long ki briew kiba sumar met sumat phat bad kane ka dei kaba la don ha uwei pa u wei u nongshong shnong bad kumba ka long mynta ruh bun ki khun samla ki ialeh ban sumar ia lade.

Ka jingeh mynta ka long ba na ka daw jong ki kam ki jam bad ki jingkitkhlieh ia ki kam, kum ki samla pule, ki nongtrei sorkar, kum ki nongialam paidbah, ha kane ka jingbun kam kum klet noh ban sumar ia lade.

U Myntri Rangbah u la ong ban sumar ia lade kam dei tang ka ka met, hynrei kaba kongsan ka long ban don ia ka bor pyrkhat kaba koit kaba khiah bad kum juh ha ka jinglong mynsiem ruh.

Na ka liang jong u myntri rangbah u la ong ba kum shibynta jong kane ka “Fit India Movement” u myntri rangbah u la ong ba yn pynlong ia kane ka jingiaid kjat shisien shitiaew na iing sah sha secretariat man la ka sngi Balang, u kyntu ruh ia ki ophisar bad ki samla pule ba kin leh ia kane.

Ha ka juh ka por na ka liang jong u myntri rangbah u la ong ba kane ka dei ka jingkyrpad ban leh lang lada ka long kaba lah, namar kane kan iarap ha kaba pynduna ban pynmih ia ka lyer karbon, kan iarap ban pynduna jingdheng kali, kan iarap ban pyndun ia ka jinglut umphniang bad kaba kongsan kan iarap ia ka koit ka khiah.

Ha kane ka sngi u myntri rangbah u la ialam ban pule ia ka jingsmai bad kiba la ia don ki long u Bah AL Hek, myntri ka koit ka khiah u Chief Secretary u bah PS Thangkhiew bad ki heh sorkar kiba la ia don lang ha kane ka sngi.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet