Shillong, Jymmang 24: U Superintendent ki pulit jong ka East Jaintia Hills District u Jagpal Singh Dhanoa u la aithuh ba la ioh ban kem lai ngut ki briew kiba don bynta ha kane ka kam khii drok bad la ioh ban kurup 100.56 gram u drok heroin bad ka pisa T.3.34 lak tyngka.
Ki pulit ka East Jaintia Hills District kila ioh ia ka jingtip ba ka Maya Gwala 29 snem ia kaba la khot sien kum ka Pushki kala phah ar ngut ki briew jong ka sha Silchar ban kiba dei na Emersoan Ghat Polo kiba la tip kyrteng kum u Pasar Uddin 26 snem bad u Dipak Baidya 21 snem ba kin wan rah ia u drok na Silchar sha Shillong.
Haba la ioh ia kane ka jingtip ki pulit kila pynlong ia ka jingap ktem ha Umtyra bad kila bat ia ka bus kaba don ia u number AS01-FC-8199 bad na kane ka kali la ioh ban bat ia kitei ki ar ngut bad haba la khynra la lap ia ka pla bala thep ia u drok heroin bala dong u ba la don haduh 100.56 gram.
Na ka liang jong ki pulit ynda kila pyndep ia ki jingtohkit bad register ejahar pyrshah ia kitei ki briew briew hapoh ki kyndon jong ka NDPS Act, ha ka jingtohkit kitei ki ar ngit kiba la shah kem kila phla ba ia kila phah da ka wei ka briew kiba la tip kum ka Pushki, ki pulit kila wan sha Shillong da ka jingiarap ki pulit ka Pasture Beat House la ioh ban kem na Polo Green Hills.
