Shillong, Nialar 19: Ha kine ki sngi ki pulit jong ka Cantonment Beat House kila iohi ba ki don ar ngut ki briew ha Themmetor kiba iaid lynti bad ka rukom iaid ka long kaba la pynsuba bad ki pulit kila bat ia ki bad haba la talasi la ioh ban kurup saw synduk sabon bad la ioh ban kurup 50.37 gram u heroin.
Na kine ki briew ki pulit kila ioh ban kurup T.28,050 tyngka ka pisa, ar tylli ki mobile phone bad ia ka Scotty kaba ia u number ML05-X-5083 la rah lang ia kaba la pyndon kam da kitei ki ar ngut ki briew kiba la kem da ki pulit.
Ka jingioh kem ia kitei ki briew ka long ba ki pulit ha ka por meit ki dang iaid pahara ia ka Them Iew Mawlong bad ka tei ka jaka, hynrei haba iohi shan khmat ia ka rukom iaid jong kitei ki briew ki pulit kila kylli bad talsi bad haba la talsi la lap ia kitei ki jingdih ba sniew bad ki pulit ki dang pynlong ia ka jingtohkit.
