Shillong, Nohprah 04: U Chief Executive Member jong ka KHADC u Bah Latiplang Kharkongor u la khot ia ka jingialang ia u Syiem jong ka Hima Mylliem bad ia ki myntri ban ia kren halor ka jingioh Trading Laisen ki briew hapoh Iewduh.
Ha kane ka jingialalang na ka liang jong u CEM jong ka KHADC, u la bthah ia ka dorbar jong ka Hima Mylliem ba kim dei shuh ban ai NOC na ka bynta ka trading laisen ha Iewduh bad kane ka hukum kan trei kam naduh mynta ka sngi.
Haba kren ha ki lad pathai khubor u CEM jong ka KHADC u Bah Latiplang u la ong ba na ka liang jong u um kynnoh ia ka dorbar hima dei ka jingleh napoh District Council ban ong ai NOC.
La ong ba ha u snem 2013 ba u long EM bad haba u la bat ia ka tnad khaii pateng u la pynmih ia ka jingpynbna ba ym bit ban ai NOC namar ha iewduh ki trai shnong ruh kila lah ban trei ia ka kam, lait noh ia kaba ki trai shnong kim pat lah ban trei.
Hynrei mar ia duh ka jinglong EM ka jong u la weng ia katei ka hukum bad la shah biang bad mynta la bun ki briew kiba na bar ban ia u trei shnong ba shong dukan ha iewduh.
Na ka liang jong ka Hima haba jubab ia ki jingkylli jong ki nongthoh khubor u myntri Langstieh u la ong ba ha iewduh ki don ki dukan kumba 5000 tylli tam na duna, na kine 75% ki dukan dei jong ki trai jylla hynrei la aiwai sha kiwei pat ki jaidbynriew.
