Nalor ki ain, ki District Council ki dei ki nongker nongda ia ki Riti Dustur :Conrad

Mr Conrad K Sangma.Shillong, Risaw 08: U myntri rangbah ka jylla u Conrad K Sangma haba kren kum u kongsan haba plie ia kawei na ki hall hapoh jong ka Don Bosco Cultural Indigenous Centre (DBCIC) ha Mawlai mynta ka sngi u la ong ba kim don jingthoh kiba bniah ha kaba ia dei bad ki riewlum ha North East India.

U la ong ba ka long kaei kaei kaba sngewtynnad ban iohi ba ia ki riti dustur jong ki briew ka dong shatei lam mih ngi jong ka Ri india la lah ban wanrah hapoh kawei ka tnmu. U la ong ba nalor ba don ia ki jaka pynsah nam, kum kane ka jaka hynrei ka jingduna ka long ha kaba buh ia ki riti dustur jong ki briew ha ka dur jong ka jingthoh.

Kumba ka long mynta ki jingthoh ha kaba ia dei bad ki riewlum kane ka dong shatei lam mih ngi jong ka Ri India ka long kaba dang duna haduh katta katta, kaei kaba la thoh ruh ym shym la don kano kano ka jingwadbniah kaba paka dei na kane ka daw ba duna bha ki kot kiba la thoh halor ki riewlum kane ka thain.

U la ong ba ha ka por ba u dang long kum u MP u la trei shitom ban pynioh ia ka jingiarap pisa na ka sorkar pdeng ban tei ia ka jaka ban buh nam ia ki jignwad bniah kiba ia dei bad ka jaidbynriew Garo. La ong bay m dei ban pynleit jingmut tang ha kaba buh ia ka Museum hynrei ban kham pynleit jingmut  ban thoh ia ki kot da kaba wad bniah ha kaba ia dei bad ki Riti Dustur.

Kum ba ka long ha kane ka bynta kam shym la don kano kano ka jingpyrshang ban buh ia ki jignthoh ha kaba ia dei bad ki riti dustur jong ki briew la ki dei na kano kano ka kynhun jaidbynriew.

U la ong ba ha ka jingshisha ki District Council ki dei ki nongker nongda ia ki riti dustur kila dei ban don ia ki jaka ban buh ia ki jingthoh ha kaba ia dei bad ki riti dustur jong kano kano ka jaidbynriew  ki District ki dei ban peit ia kane nalor ki ain kiba ia dei bad ka riti dustur kaba don.

U Myntri rangbah ka jylla u la pynpaw ia ka jingsngewnguh ia u Phadar Paul bad phadar Manuj kiba la khot ia u ha kane ka sngi. U mytnri rangbah u la ong ba na ka liang jong ka sorkar kan san oh syniang lang ha kaba ia dei bad ka jinglah ka DBCIC ban buh ia ki jingthoh ha kaba ia dei bad ki riewlum kane ka thain.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet