Shillong, Nailar 06: Na ka daw jong ka jingiakhih hapoh Bangladesh ki shipai BSF kila dang pynkhlain shuh shuh ia ka jingpahara baroh 444 KM ha khappud, kane ka long ban pynthikna ba ki briew na katei ka ri kim dei ban ioh rung sha India bad ban khang ia ki kam khaii beain.
U IG jong ki shipai BSF BSF ba peit ia ka jylla Meghalaya U Harbax Singh Dhillon,la ong ba baroh ki Kommander baroh kiba don ha khappud kila tip bha ia kaei kaba jia ha khappud, ban lait na kino kino ki jingjia ba sngewsih ki BSF ki long kiba la khreh la ka long ha kano kano ka liang.
Ka jingpahara ba kham pyrpang ha baroh ki kad khaii ha khappid bad ka Bangladesh la pynpyrkhing bad ia ki riew paidbah ruh ka khang ba kin iaid ha khappud bad ka sorkar Meghalaya ruh kala pynjari iaka korphiew miet ha khappud bang khang lad ia ki riew paidbah ban nym iaid ieng ha khappud.
Ka don ka jingiatreilang ha pdeng ki shipai BSF, ki bor jong kidistrict bad ki pulit lem bad ki shnong ki thaw ban long kiba phikir bad ban peitngor bha bad la bthah ia baroh ki shnong kiba don ha khappud ba kin long kiba kham phikir namar ka jingjia sha Bangladesh.
