Shillong, Rymphang 27: Mynta ka sngi ki dkhot jong ka HYC ba dei jong ka sor Shillong kila leit ban ia kynduh ia ka Deputy Commissioner jong ka East Khasi Hills District ka kong Matsiewdor War Nongbri ban kyntu ia ka ba kam dei ban ai jingbit ban pynlong ia ka International Trade Fair (ITF) hapoh kane ka nongbah Shillong namar ka jingtieng ia ka jingpang Coronavirus.
Ha kane ka jingiakynduh na ka liang jong ka Deputy Commissioner kala iathuh ha ki dkhot jong ka HYC ba na ka liang jong ki bor ba dei peit ia ka District Adminstration haduh mynta kim pat ai jingbit ia kane ka jingthmu ban pynlong ia ka International Trade Fare ha Shillong.
Ia kane ka kynhun jong ka HYC la ialam da u bah John Lyngdoh President jong ka shnat Shillong ha ka jingiadon lang kiwei ki dkhot jong ka seng. Kane ka ITF kaba thmu ban pynlong mynta ka dei ka 21st hapoh kane ka Nongbah Shillong.
