Shillong, Risaw 11: U Symbut Myntri Rangbah ka jylla u bah Prestone Tynsong mynta ka sngi u la buh ia u mawnognrim ban kyntiew kydan ia ka Tyrsad Sub Centre sha ka Public Health Centre ha shnong Tyrsad ha ka jingiadon lang u MLA kane ka jaka u bah Eugeneson Lyngdoh, MLA bad u Bah L. Blah, MDC.
Haba kren ha kane ka jingialang ban buh ia u Mawnognrim u bah Prestone la ong ba kane ka long ban pynbiang ia ki jingdon kam ki paidbah ban ioh ia ki lat jingsumar ia baroh ki shnogn kiba don sawdong jong ka kane ka shnong.
Ha kane ka sngi u Symbut Myntri Rangbah u khot u wer ia ki paidbah ban ia treilang bad ka sorkar ban wan rah ia ki lat jingsumar kiba kham bha sha ki paidbah bad ban kham pynbit pynbiang ia ki lat jingsumar ha ka jylla baroh kawei.
Ka sorkar kala shim ia ka rai ban pynkhlain ia ki lat ai jingsumar ha ka jylla da kaba kyntiew kyrdan ia ki jaka ai jingsumar ha ki kyrdan bapher bapher ban pynbiang ia ki jingdonkam ki paidbah, ka sorkar kala peit bniah kino ki jaka ba dei ban buh ia ki Sub Centre, ki PHC lane ki CHC.
Ha kane ka sngi la ioh jingkrenruh na u MLA bad u MDC jong kane ka jaka Ha kane ka sngi kila don ruh shibun ki paidbah nongshong ban ia sakhi lang ia kane ka jing buh ia u Mawnongrim ban kyntiew ia ka Sub Centre sha ka PHC.
