Shillong, Jymmang 25: U bah A L Hek MLA jong ka BJP u ba dei ruh u shongknor jong ka “Central Scheme Monitory Committee” jong ka party mynta ka sngi u la leit ban jurip ia ka jingkhyllem ka Dome kaba dei ka tnum jong ka iing dorbar thawain ka jylla.
Haba kren ha ki lat pathai khubor ha dien ba la wan jurip la ong, haba ia dei bad kane ka jingjia hap ban pyngat hano re hano ia ka jingkitklieh, ia kane ka jingtrei la pyntrei da ka tnad shna iing jong ka PWD, ba peit ia ka jingtrei, na ka liang jong kontraktor ba pyntrei ia ka kam ha kawei pat ka kynhun la ong ba ia kine ki briew dei ban pyngat bad ban pynshitom katkum ka ain.
Haba ia dei bad ka kynhun jurip kaba lait luid, kata ka hap ban long kaba khlem shah liang bad kata ka kynhun ka hap ban ai ia ka kaiphot bad ki dei ban ai kum ba ka jia, kumba ka long hap ban tip shuwa mano ba bakla ha dien kata yn sa lah ban dawa ban phah hair shuki.
U bah Hek la ong ba ia kane ka jingwan jurip ka jong u mynta ka sngi kin sa phah ia ka kaiphot sha ki nongialam ba halor jong ka party bad kum juh sha ka sorkar pdeng namar ia kane la bei pisa da ka sorkar pdeng, hap ruh ban pyntip sha u lamphang ka iing dorbar ka Lok Sabha.
U bah Hel la ong ba ha dein ba kila wan jurip mynta ka sngi kin sa pynkhreh ia ka kaiphot bad kin phah ia kaei kaba ki iohi haba kin phah sha ki bor ba dei jong ka sorkar pdeng bad ia kane ka iing baroh kawei hap ban jurip bniah bha.
