Shillong, Naiwieng 27: Ka seng HANM ba dei jong ka shnat jong ka Southern Balat Border kala pynpaw ia ka jingsngew bitar ba ki trok kit dewiong kiba wan na Nongjri kila kit palat pud ha kaba ka surok Balat ha shnong Nongthymmai kala ngam na ka daw jong ka jingkit palat pud ki trok dewiong ka kynnoh ki nongialam ka seng.
Ha ka kyrwoh u bah Kyllang Thongni la ong ba ha kane ka jaka ba ngam ka trok kit dewiong ka dei ka jaka ba ka surok ka twa ha kane ka lyiur kaba dang shudep bad ka jingshna ia kane ka jaka ba twa ka dang iaid sha khmat.
Kane ka jingiaid kine ki trok kit dewiong sha ba la kit palat pud kala pynlong ba ka surok kan ngam bad kane kala buh ia ka jingeh ia ki paidbah ka thaiñ Balat Ranikor border baroh kawei.
La ban biang ba kane ka jingtwa jong ka surok Balat ka la jia ha ki bnai lyuir ha kaba ki Paidbah ki lah mad ia ka jinghiran halor ka jingkiew dor jong ki marbam mardih namar kata ka Seng kam lah shah ban Shu peit kai.
Ka seng HANK ka dawa ba ka sorkar ka dei ban kem naaphang ia kitei ki trok ba ha ka juh ka por ka seng ka kyntu ia u kontractor ba u dei ban pyndep kloi ia ka tei ka jingtrei hapoh une u bnai Nohprah 2021.
