Shillong, Lber 09: U Bah Lambor Malangniang MLA jong ka Nongkrem haba wan jngoh ia kiba mynsaw ha ka jingshah shoh ha ki paidbah ha Jatah, u la pynrem jur ia kane ka jingleh riew khlaw jong ki briew katei ka jaka bad u dawa ba dei ban kem ia ki mardor bad set along ia ki.
Haba kren ha ki lat pathai khubor ha phyllaw jong ka Civil Hospital Shillong mynta u la ong ba kane ka jingleh ka dei ka jingleh riewkhlaw ha duh ban da shim ia ka jingim briew, la ong ba kane kam dei shuh ka sien kaba nyngkong hynrei kane ka jingia thraisniew kala juh jia bun sien.
U bah Lambor u la ong ba ha ka jingshisha kila dei ban ia kren, hynrei khlem ioh shuh ban ia kren hynrei kila thom bor ia kine ki briew. U la ong ba kum u MLA katei ka jaka u pynrem jur bad dei ban kem ia ki mat dei mano manor uh.
U bah Latiplang Kharkongor MDC jong katei ka Madanriting ruh ua la pynrem jur ia kane ka jingjia bad u la dawa ba dei ban kem mar dor ia kine ki nongleh kam sniew katkum ka ain.
Kine ki nongmih khmat baroh ar ngut kila ong ba dei ban pynsngewthuh ia ki paidbah halor kane ka jingiakynnoh sniew ia ki briew bad kaba la wanrah ia kum kine ki jingjia kiba sngewsih. U MLA bad u MDC jong katei ka jaka kila pynrem jur ia kane ka jingleh riewkhlaw.
