Ngan thaw ia ka SLC ban pyndon burom shisnem lynter ia u Subhas Chandra Bose: Conrad

Shillong, K.Lyngkot 23: Ka Ri India mynta ka sngi kala rakhe pyndon burom  ia ka sngi kha kaba 125 snem jong u nongialeh laitluid ka Ri India u Subhas Chandra Bose bad ha kane ka nongbah Shillong ruh la pynlong ia kane ka jingrakhe da kaba buh syntiew ha khmat ka dur mot ha State Central Library, Shillong.

U Myntri Rangbah ka jylla u Conrad K Sangma haba kren ha kane ka jingrakhe ia ka jingdap 125 snem ka sngi kha jong u tei u nongialeh laitluid ka Ri, u la iathuh ba ka long ka burom ia ka jylla ha kaba u la shah jied ban long dkhot jong ka kommittee  bala khlieh da u Myntri Rangbah duh jong ka Ri India ban peit ia ka jingrakhe kaba shisnem lynter ban burom ia Subhas Chandra Bose u riew khraw jong ka Ri India.

Ha kane ka sngi na ka liang jong u Myntri Rangbah ka jylla u Conrad K Sangma u la pynbna ba hapoh ka jylla yn sa thaw ia ka ‘State Level Committee’ ia kaba yn sa pynbna shen ha kine ki sngi ia kane ka Kommittee. Kane ka kommittee ka ban peit ia ka jingrakhe pyndon burom ia u Subhas Chandra Bose ka ban long shisnem lynter, kane ka juh ka kommittee ka ban phah ruh ia ka jingthoh sha ka sorkar pdeng ha kaba ia dei bad une u riew khraw.

U Myntri Rangbah ka jylla Meghalaya u kyntu ia ki paidbah nongshong shnong jong ka Ri India bad kum juh ia ki paidbah jong ka jylla Meghalaya ban bud dien ia ki dinjat jong kine ki riew khraw jong ka Ri India ban ieit ia la ka jong ka Ri, une u riew khraw u la shah shitom na ka bynta la ka jong ka Ri.

U Myntri Rangbah ka jylla u la ong ba ka jingkloi jong u ban ia donbynta lang ha kane ka jingle burom ia une u riew khraw, ka long ba u kpa jong u u PA Sangma u don ka jingiajan kaba kraw bad ki nongilam ka ri India, wat hapdeng ka jingbun kam la pynlait por khnang ban ia don bynta lang ban rakhe ia kane ka jingdap 125 snem ka sngi kha jong u Subbhas Chandra Bose.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet