Shillong, Risaw 15: Mynta ka sngi ki nonghikai ha ka lama jong ka All Meghalaya Deficit Scholl Teacher Association (AMDSTA) kila leit ban ia kynduh ia u myntri ba dei peit ia ka tnad pule puthi u bah Lahkmen Rymbui ban ia kren halor ki jingeh jong ki nonghikai.
Haba kren ha ki lat pathai khubor, la ong ba ka jingiakren kaba nyngkong ka long ba ki kwah ba ka sorkar ka dei ban siew noh ia ka tulop jong ki nonghikai man la u bnai kynthup lang ia ki master roll kiba don ha ki skul.
Kawei pat ka phang ba ki ia kren ka long namar ba ki nonghikai deficit kim ioh ia ka bai bam tynmen ynda kila shong thiat na ka kam ba ka sorkar kan thaw kila ki lynti ban iarap namar ki nonghikai haba kila shong thait ki ioh T.3.5 lak katba ki nongtrei sorkar ki ioh haduh T.10 lak.
Haba ia dei bad kane na ka liang jong ka tnad pule puthi ka dang peit bniah ia kane ba ki nonghikai ruh ki dei hok ban ioh ia kane ka pisa ynda kila shong thiat, la ong u myntri ha kane ka jingiakynduh mynta ka sngi.
Haba ia dei bad ka bai bam tynmmen wat ki nongtrei sorkar ruh kiba rung kam ha dien u snem 2007 kimioh shuh kumta na ka liang jong ki nonghikai ruh kin nym ioh ia ia ka bai bam tynmen na ka liang ka sorkar ka don ka jingpyrkhat ba kumba ioh ki nongtrei sorkar ki nonghikai ruh kid ei ban ioh.
