Ngi la ia kren ban pynkylla ia ka MRSSA, yn wanrah biang sa shisien ha ka kabinet: Conrad

Shillong, Risaw 25: U myntri rangbah ka jylla u Cornad K Sangma u la ong ba ka kabinet kaba la long mynta ka sngi kala ia kren kumno ban wanrah ia ka jingpynkyllla ha ka ain Meghalaya Residence Safety and Security Act 2016. Ka kabinet kala bthah ban pynbiang bad wan rah biang sa shien hapoh ka kabinet shuwa ban pdiang ia ki jingpynkylla.

Naka liang jong u myntri rangbah ka jylla haba kren ha ki lad pathai khubor ha dien bala wan ia ka jingialang jong ka kabinet u la iathuh ba mynta ka sngi ki la ia kren halor ka jingthmu ban wan rah ia ki jingpynkylla hapoh ka MRSSA bad ha dien ka jingiakren la phah biang sha ka tnad ba dei peit ban pynbiang ia ka bad kin sa wan rah biang ha ka kabinet shuwa ban pdiang ia ka.

U Myntri rangbah u la kren shai ba ka jingthmu jong ka sorkar ka long ban iada iaki briew la jong bad ha kane ka jingiada hap ban peit ruh ia ka jingwan rung ki briew sha ka jylla ba kan nym ktah palat. Ynda ka ka kabinet kala pdiang kin sa pynjari ia ka ha ka dur jong ka “Ordinance”.

U Myntri rangbah u la kren shai ba ka sorkar kan wanrah ia kano kano ka ain kaba lah ban leh tang hapoh ka sorkar jylla katkum ka riti synshar jong ka ri khlem da leit sha ka sorkar pdeng. U la ong ba ka ILP ka dei tang kawei na ki lad jingiada hynrei ki dang don kiwei ruh ki lad ki lynti kumno ban iada ia la ki jong ki briew.

Ha kane ka sngi u myntri rangbah u la iathuh ruh ba kila don ki jingkylli kiba la phah da ka sorkar pdeng ha kaba ia dei bad ka jingthmu ban pynkylla ia ka Sixth Schedule ha kaba ka sorkar ka hap ban jubab sha ka tnad kam poh iing jong ka sorkar pdeng, u myntri rangbah u la ong ba kine ki jingjylli ki kyntup ruh ha kaba ia dei bad ka kyntien “Unrepresnted Tribes” ka ain kyntiap seng bad kiwei kiwei.

Haba ia dei bad ka CAB, u myntri rangbah u la iathuh ba u la ia kren bad u myntri kam poh iing ka sorkar pdeng u Amit Shah ban pynsngewthuh ha u, na ka liang jong u myntri ka sorkar pdeng u la ong ba u kloi ban ia kynduh ia ki seng bhalang, ki seng sain pyrthei ban ia phylliew jingmut ha kaba ia dei bad ka CAB.

La iathuh ruh ba ka kabinet kala shim ia ka rai ban pynhiar dor ia ka kyndiad ha baroh ki hynniew jaid ki kyrdan bad da kane ka jingpynhiar dor la khien ba ka sorkar kan ioh lum tam ia ka khana hapdeng hynniew haduh phra klur tyngka ha ka shisniew.

 

 

What Next?

Recent Articles

Leave a Reply

Submit Comment

*