Ngi la shim ia ka rai ban shah biang ban plie ia ka skul JNV Mawphlang: S K Sunn

Shillong, Nailar 13: Ka “Committee on Environment” jong ka iing dorbar thawain ka jylla ha kaba u Bah SK Sunn Chairman jong ka Committee ha ka jingiashong jingialang mynta ka sngi la shim ia ka rai ban shah biang ban plie ia ka skul JNV Mawphlang naduh mynta ka sngi.

Haba kren ha ki lad pathai khubor ha dien ka jingialang, ha kaba la don lang na ka liang jong ki nongpyniaid skul JNV, na ka tnad PHE, ka Central Pollution Board, ka Deputy Commissioner kaba dei ka Chairperson jong ka skul bad kum juh u Principal Secretary ba dei ia ka Education bad kum juh jong ka PHE.

La iathuh ba ka Committee jong ka iing dorbar kala leit ban jurip ia ka jaka bret jaboh katei ka skul ha ka por ba ki ioh shuti bad ha dien ba la lap ba kane ka skul kam shym la bud ia ki kyndon ka committee kala bethah ba ka skul ka dei ban pynbiang ba ka “Sewage treatment plant”.

Ha dien jong kane kila bud shibun ki jingjurip  bad na ka liang jong ka skul kala lah ban pyndep ia ka jingdon kam ban pynlong ia ka “Sewage treatment plant” la iathuh ba u Principal Secretary jong ka tnad PHE bad Education u Bah DP Wahlang u la wan jurip dang mynnin bad la ai ia ka kaiphot ba kala biang, lait noh tang ka kontrak ban peit ia ka jaka bret jakhlia.

Ha kane ka jingiashong jingialang jong ka Committee mynta ka sngi, ha dien ba la peit ia ki jingdon kam ba baroh la shem ba ka liang bad ka committee kala shim ia ka rai ban shah ia kane ka skul ban plie biang ia kane ka skul.

Ha ka juh ka por la iathuh ba ia mynta kan don ka jingleit peit da ka committee ar sien shibnai bad ha dien katta kan long noh shisien shibnai katba ka JNV kam pat lah ban pynbeit ia ka kontrak kaba man u snem ha kaba ka jinglut kan long kumba 18 lak tyngka shisnem. Na ka liang jong u Bah Sunn u kynnoh ba ka jingbakla baroh ka dei na ka jingleh jong ki bor ba pyniaid ia ka skul.

Ki dkhot jong ka Committee, u Bah Kimfa S Marbaniang, u Bah Himalaya Shangpliang, u Bah George B Lyngdoh kila ia don lang ha kane ka jingialang mynta ka sngi ryngkat ki ophisar jong ka Committee.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet