Shillong, Naitung 04: Ha ka 4 tarik naitung 2025 ka jingrakhe dap 25 snem ka State Society for the Implementation of Rehabilitation of Person with Disability (SSIRPD) kaba la long ha Soso Tham Auditorium.
ka State Resource Centre on Disability Affairs, Civil Hospital shillong la plie ia kane ka sngi da kaba pynlait paidbah ia ka music video Echoes of Unity kaba dei ruh ka jingrwai Anthem kiba duna dkhot met.
Ha kane ka lah don ka jingot kake hakhmat ka Auditorium bad ka jingpynidur bad jingringdur halor ja jingrwai Anthem kaba lah rwai da ka kynhun Eastern Brook Brand kaba dei ka kynhun kiba don jingduna ha ki dkhot met bad kiwei kiwei de ki program.
Ha kane ka sngi u bah Paul lyngdoh, Myntri ba dei khmih ia ka tnad Social Welfare u la long kum u kongsan bad u Pravin Bakshi, IAS, Commissioner and Secretary ka tnad Social Welfare Department kum u symbud kongsan ha ka jingiadon lang u bah L Kynjing, MCS, CEO ka SSIRPD and Commisioner for Person with Disability bad kiwei kiwei.
U bah Paul Lyngdoh haba ai jingkren ha kane ka sngi u la ong, ngim dei ban peitbein ne niewbein ia ki briew kiba don jingduna ha ki dkhot met, ki briew kiba duna dkhot met ki don lut hynrei, ka pyrthei kam iohi kumta, ki briew kiba biang lut hynrei kim lah ban wan rah jingkylla ha ka pyrthei, ki briew kiba lah ban iohi hynrei kim don ka jingiohi jngai, kiba don shkor ki shu iohsngew hynrei kim sngap.
Shuh shuh u la ong, “kum ka sorkar ngi kwah ban ai mynsiem bad ai jingiarap, ngi kwah ban long kiba iarap ia kiba duna dkhot met, ngi kwah ruh ban long ka jylla kaba lah ban ban iarap ban pyni ia ka sap ka phong jong ki briew kiba duna dhot met, ba kin lah ban sei la ki sap ki phong sha ka pyrthei.
