Shillong, Nohprah 22: Ka KSU kan ym shong thait bad kan dang iai pynlong ia ki jingialang Pyrshah CAA bad 
ban iai pynbor ia ka Sorkar kmie ban mynjur noh kloi ban pyntrei kam ia ka ILP hapoh ka jylla kumba la dep mynjur da ka Iing Dorbar Thaw-aiñ ka Jylla myn ha ka 19 tarik mynta u Bnai.
Haba kren ha ka jing ialang Pynshai paidbah ba la pynlong da ka KSU Tyrsad Circle hapoh ka shnong Tyrsad u President ba Rangbah duh jong ka sennog ki Samla Pule u Samla Lambokstarwell Marngar u la kren shai ba kat ba ngim pat ioh ka jing mynjur na ka Sorkar India ngin hiar ha man ki dong ki kyntoit jong ka Bri Hynniewtrep ban pyn sngewthuh bad pynshai paidbah ia ka jing donkam kyrkieh ia ka ILP hapoh ka jylla.
Hadien ba ka CAB ka la long Aiñ Pura hapoh ka ri baroh kawei.Kane kam mut ban leit ban shu put turoi ia ki kam jong ka KSU sha u Paidbah ka Bri Hynniewtrep hynrei kane ka long kum ka Atiar ban pyn sngewthuh lypa ia baroh ki dkhot ka Jaitbynriew ban shim lypa ia ka Jingkit khlieh ban iada ia la ka jong ka khyndew ka shyiap,ki riti ki dustur bad baroh ki Nongkynti ka Jaitbynriew lada ka Sorkar India kam ai ia kita ki jing dawa kiba u Paidbah ka Bri u Hynniewtrep u angnud la slem bah.
u ne u Nongialam u la pynpaw ruh ba ka seng kan ap peit siar aiu ka Sorkar jylla kan leh nangne sha khmat hangtei hapoh Nongbah Delhi bad ki Nongialam ka Sorkar kmie ban pynbor ia ka ILP ba kan treikam pura hapoh ka Jylla.
Haba kren ha kane ka Jing ialang u Samla Pynshai Rani Asst.Education Secretary KSU CEC bad uba long ruh u president jong ka KSU Tyrsad Circle u la ong ba lada ka jing angnud jong ki kum ka jaitbynriew ia ka ILP kan dang shim por ne kin dang iai sah teng tang ha ki jing ia kren hapdeng ka Sorkar Jylla bad ka Sorkar Kmie.
La ong ba long lypa kiba la khreh ha kano kano ka por lada ka kam ka dawa.Ha kaneka jingialang paidbah u la ban shuh shuh ba lada Ngim pat ioh ia aiñ Inner Line Permit ki ruh bad ki para ri kin pynlong ILP kaba mut Ia lum Paidbah ha man ki jaka bad ki dong ki lad.
U samla Pynshai u la ong shuh shuh ba ngi sngewthuh shai ba ki jingthmu ba rieh ka Sorkar BJP da kaba pyntrei kam ia kane ka CAA ka don kaei kaei ha lyndet kaba kita kiba bat ia u Lakam synshar ha Nongbah Delhi ki sngewthuh khambha.U Khasi Hyndai u ju sngewtynnat ban leit beh bad siat mrad sha khlaw ban bam doh hynrei ha kane ka juk ym don shuh ki nong beh mrad namar ki don ki kyndon jong ka Aiñ kiba la pyrkhing bha ban pyn iap pathar ia ki mrad.
Kumta lada ka jia long kumne kumba long ka Jaitbynriew baroh ka wei kan pyn khreh noh da kaba beh briew kat ia kiba wan shong wir shong thap hapoh u pud u sam ka Bri Hynniewtrep.Ha kane ka sngi la ia don lang U Samla Eric Nongkynrih E.M CEC bad kiwei kiwei pat ki para dkhot ka seng.
