Shillong, Nailur 16: Mynta ka sngi ka party Congress kala pdiang burom ia ki san ngut ki riew rangbah sha ka party ha ka jingialang kaba la long ha Hotel Heiga, ar ngut ne ki u bah PN Syiem MDC jong ka KHADC bad u Bah Robert G Lyngdoh kiba dei ki MLA bad MDC ba rim jong ka party Congress mynta kila wan phai biang sha ka party.
Kiwei pat lain gut, u bah Mosjo R Wanswet, u bah Adrian Lambert C Mylliem bad ka kong Feneral Lyngdoh Nonglait, kila rung mynta ka sngi sha ka party Congress ha kaba la pdiang burom ia ki baroh da u president ka MPCC u Dr Celestine Lyngdoh, ha ka jingdon lang u president ba dang shah jied u bah Vincent H Pala MP.
Ha ka jingkren sha ki nongtrei jong ka party ha kane ka jingialang u bah Vincent H pala u la ong ba kum ka party ha ka elekshon MLA ha u snem 2023 kin ia khun da ka jingtrei shitom ymda ka jingiakynnoh bad ka party kan iaid ruh ryngkat ryngkat katkum ki kor kibor kiba katkum kane ka juh.
U bah Vicent u la ong ba kum ka party kala ia kynduh ia shibun ki jingeh, kum ka party to ngin ia treilang kum ka kynhun, ki briew jong ka jylla Meghalaya ki tip ba ki duna ki MLA hynrei ki don pat ia ka jingbit jong ki, ki briew jong ka jylla Meghalaya ki khmih lynti ba kum ka party kin ia trei lang.
Ha kane ka jingialang u bah pala u la ong ba kum u president ka MPCC ban sa shimti ia ka kam ym dei u ba wan na ka kynhun ha kaba pyniaid iaka party, hynrei ki don ki briew jong ka party kiba la tbit kan nym don jingeh ban pyiaid ia ka kam, kum u Bah James Lyngdoh, kong Amapreen kiba dei ki Working President bad kiwei kwei kiba la tbit ia ka kam.
Kum ka party hap ban leit sha baroh ki konstitwensi ban pynshai sha ki paidbah karei ka party Congress bad kum ka party ka dei na ka bynta kaei bad haba ka party kan leit sha ka elekshon ha u snem 2023 kumba la ong da u president ban nym kynthoh ba kane ka sorkar ka bah ne ka sniew hynrei da ka jingtrei shitom.
Ha kane ka jingialang kiba la kren ki kynthup ia u bah R V Lyngdoh MDC, bah Himalaya Shangpliang MLA bad ki san ngut ki dkhot kiba la wanrung sha ka party, ha kane ka sngi kila don shibun ruh ki nongkit kam jong ka party, naduh ki MLA bad ki MDC.
Ha kane ka jingialang pdiangburom ia kitei ki riew rangbah sha ka party kaba pynlyngoh ba ki MLA ka party Congress na Garo Hills ym shym don ba ia don lang ha kane ka jingialang ka party.
