Shillong, Nailur 26: U bah Shembhalang L Chyne mynta ka sngi la pynbna ba un ia khun ia kane ka MLA ilekshon shiteng samoi na ka 26-Shella konstitwensi kum u kyrtong shimet ha kane ka ilekshon ka ban long ha ka 21 tarik Risaw jong u bnai ban wan. La iathuh ba ia ka jingthep kyrteng un thep ha ka sngi nyngkong ban wan.
Haba kren ha ki lat pathai khubor mynta ka sngi ha Hotel Assembly Shillong, u la ong ba kin nym ailad ba ka sain pyrthei ha 26-Shella Konstitwnesi kan leit ha kawei ka iing, wat la ym shym la kdew ia ka kyrteng hynrei ka thew ia u kyrtong jong ka UDP.
Ha kane ka sngi u la kynthoh ruh ba ha kine ki 30 snem ka Shella konstitwensi kan don kano kano ka roi ka par bad u ong ba ka ki jingeh kaba ki paidbah ki ia kynduh ka dei ka surok, u la kdew ba ka surok na Mawsmai sohra sha Shella kaba la dep ban shna ka long T.47 klur ia kaba la dei pisa na ka North Eastern Council.
Kiwei ki bynta kiba ka Shella Konstitwensi ka dang don kam shibun ki lat jingiarap ki long ka rep ka riang, ka jingaibor ia ki kynthei bad ia ki samla. U la ong ba ka jingangnud ka jong u ban ia khun ia ka MLA ilekshon ka long ban shakri ia ki paidbah jong ka thain kiba dang don kam shibun ki kampynroi.
U bah Shembhalang L Chyne u dei na ka shnong Mawlong bad kane kan long ka sien kaba nyngkong na ka bynta jong u ban ia khun ia ka MLA ilekshon. Ha kane ka jingiakynduh bad ki lad pathai khubor u la iathuh ba ia ka nomination yn thep ha ka sngi nyngkong ban wan.
