Shillong, Nohprah 06: Ka jingialang jong ka Meghalaya Democratic Alliance (MDA) jong ka sorkar synrop ha kane ka Meghalaya kala long mynta ka sngi ha Pinewood Hotel Shillong ia kaba la pyniaid da u myntri rangbah ka jylla u Conrad K Sangma.
Ha kane ka jingialang, na ka liang jong ka MDA kala shim ia ka rai ban pyrshah ia ka Citizenship Amendment Bill, 2019 jong ka sorkar ia kaba kin sa wanrah ha ka sngi nyngkong hapoh Parliament.
Haba kren ha ki lad pathai khubor u Bah Prestone Tynsong Deputy Chief Minister la ong ba ka MDA kum ka kynhun ka pyrshah ia ka CAB, ki kwah ba dei ban pynlait ia jylla Meghalaya Baroh kwei, lada lah ban pynlait 96% balei ia kita ki jaka lai saw percent ym lah ban pynlait.
Na ka liang jong ka sorkar jylla kumba ki la thoh ha ka 30 tarik ba ki pyrshah ia ka CAB kin ing halor ka juh ka nongrim ba ki pyrshah kumba ka long mynta. Ka sorkar kan sa phah biang ia ka jingthoh sha ka sorkar pdeng ba dei ban pynlait ia ka jylla Meghalaya baroh kawei.
La ong ba ha Delhi ka don ka MP jong ka party NPP ka Agatha bad kila khot ruh ia ki MP jong ka seng Congress ban pyrshah ia kane ka CAB ynda la wanrah hapoh Parliament.
