Shillong, Risaw 30: Mynta ka sngi kawei ka Bus kaba don ia u number AS 05 C 2034 kaba kit ia ki shipai BSF ban leit sha Silchar Assam, kala hap sha rait ha ka shnong Umtyra hapoh jong ka East Jaintia Hills District bad ha kane ka jingjia bun ngut ki shipai kila mynsaw bad u wei na ki riew paidbah u la khlad.
Katkum ka khubor kaba la phah da u Pulit jong ka East Jaintia Hills District mynta ka sngi ha ka por 4.30 baje noh phai sngi katei ka bus kaba kit ia ki 20 ngut ki shipai BSF kala noh sha riat bad ha kane ka jingjia bun na ki shipai kila mynsaw jur.
Na ka liang jong ki pulit kila pynkit ia ki mar mar sha Khliehrait CHC ban ioh ia ka jingsumar. U ba khlad dei u riew paidbah, na ka liang jong ki pulit ki dang leh ia kaba don kam ban tip la u dei u nong bud ne u ba niah ia kane ka bus une u ba khlad, la ong u SP ba dei peit ia ka EJH District u bah Lakador Syiem.
