Shillong, Naiwieng 20: Ha ka jingai jingtip bad ka jingpynpoi kam ka bym pat juiohi, ka Vikasit Bharat SankalpYatra, ka sienjam kaba heh tam jongka Sorkar India, ka la jam shakhmat ha ka jingpoi sha ki jaka ba jynjar tam ban poi ha ka ri ban ai jingtip shaphang ki skhim ka bha ka miat jong ka Sorkar India bad ka jingpynurlong ia 100% ki prokram ba kongsan jong ka Sorkar.
Kane ka campaign, ba la plié paidbah da u Myntri Rangbah Duh, u Narendra Modi ha ka 15 tarik u Naiwieng, 2023 ha Khunti, Jharkhand ka la sdang lyngba ka jingpyllait paidbah ia ki kali Information Education Communication (IEC) van ba la pyllait paidbah ha kajuh ka por na ki jaka bapher bapher.
Kine ki kali IEC ki la thmu ban ai jingtip ia ki briew shaphang ki skhim bapher bapher kiba ai jingmyntoi ia ki briew bad ruh ban khring ia ka jingiashim bynta jong ki briew ha ka jingngeit ha ka “Jan Bhagidari” ban pynthikna ia ka jingpyntreikam pura jong ki skhim.
Ka Yatra ka don nongrim ha ka jingthmu ban don ka roi ka par ia baroh, ha ka jingpyrshang ban pynthikna ba ki jingmyntoi na ki skhim Sorkar ki poi sha baroh ki briew jong ka ri.
Ka jingpoi ka kali IEC Van sha ka them Zanaskar bad Kargil ha Ladakh, Ka Vikasit Bharat SankalpYatra ka la poi sha ka them Zanaskarbad Kargil ha Ladakh, bad ka la rah iaka khubor jong kane ka campaign sha ki jaka jong ka ri ba jynjar tam ban poi.