Shillong, K.Lyngkot 14: Ka seng Awaken India Movement mynta ka sngi kala pynbna paidbah ba kan pynlong ia ka jingialang ha Motphran ha ka 22 tarik mynta u bnai ban ia kren halor ka jingai Tika, la ong u bah Banshailang Marbaniang shongknor ka seng.
Ha kane ka sngi ka AIM kala pynlong ia ka jingiasoi kyrteng paidbah ha Motphran ban kyntu ia ka sorkar ba kam dei ban pynbor ia ki paidbah ba kin ai Tika hynrei ai ba ki paidbah kin rai la ka jong ka mon sngewbha,
Ha kane ka sngi hapdeng ka jingia soi paidbah ban pynpaw ia ka jingsngew jong ki halor ka jingai Tika, kala don ka jingialang paidbah ha Motphran ha kaba kila don ki nongkren ban pynsngew ia kaei kaba ka seng ka don ban pynsngew sha ki paidbah.
Ha kane ka sngi palat hajar ngut ki paidbah kila ia soi kyrteng ha ka poster kaba kila buh ha Motphran, u bah Bashai Marbaniang u la ong ba ia kane ka jingsoi kyrteng mynta ka sngi yn phah sha u myntri rangbah ka jylla bad sha baroh ki Deputy Commissioner jong ka jylla.
Ha kane ka sngi ki paidbah kila wan ban sngap ban shah skhor ia ka jingpynshai, ia kaei kaba ka AIM ka don ban ong halor kane ka jingai Tika kaphang kaba ka seng ka kren ka long pynsngew sha ka sorkar ba ym dei ban pynbor ia ka jingai Tika.
