Shillong, Nailar 02: Ka jingiaid leh riwblei jong ki riew ngeit hindu na Madhev Khola Upper Shillong sha krem Mawjymbuin kaba don ha Mawsynram kaba jngai 65 km na kane ka nongbah Shillong kala sdang mynta ka step ha kaba palat spah ngut ki briew kila ia shimbynta kynthei bad shynrang.
Kane ka jingiaid riewblei da ki riew ngeit hindu sha katei ka krem kala long bun snem mynta bad mynta u snem ruh kila ioh jingbit ban iaid ia kane ka jingiaiaid riewblei jong ki ia kaba la tip kum ka “Yatra” bad kin sangeh shiteng lynti ban sah miet.
Kine kin sa bteng biang la shai ka sngi ban leit sha krem Mawjymbuin la shai ka sngi, bad kane ka jingiaid mynta ka long katkum ka jingbthah ka iingbishar ba don burom ka High Court Meghalaya ha kaba ki nongleit iaid riewblei sha katei ka jaka kim lah ban leh bnain hynrei ki lah ban shu synreit um ha katei ka jaka.
Ia kane ka jingiaid riew blei la synran lang da ki pulit ka jylla Meghalaya naduh jaka bas dang bad kane ka jingsynran kan long haduh la shai ka sngi katban da dep ka jingleh riew blei ka jong ki ha katei ka jaka ha krem Mawjymbuin ha Mawsynram.
