Shillong, Nailar 01: Mynta ka sngi ki nonghikai shipor kiba la shah pynduh kam da ki spah ngut mynta ka sngi kila leit ban tur sha iing shah jong u myntri rangbah ka jylla u Conrad K Sangma ha Oakland ban dawa na ka sorkar ba dei ban thungkam biang ia ki namar namar ka jingbakla kam dei ka jong ki dei jong ka sorkar.
Na ka liang jong ki nonghikai kila shah pynkynriah na katei ka jaka sha jan ophis jong ka Meghalaya Board of School Education, kine ki nonghikai hapoh jong ka lama “Meghalaya Government LP School Contractual Teachers Association” kiba don pala 850 ngut kila wan ban sdang ia kane ka jingiakhih jong ki ban dawa na ka sorkar ba ka dei ban thung kam biang ia ki.
U bah Birbor Riangten, nongialam ka seng, la ong ba ka jingbakla kam dei na ka jingleh ka jong ki hyrei dei na ka jingleh jong ka sorkar, wat la kila hikai palat shiphew snem tang namar ba kim pass ia ka Meghalaya Teachers Eligibility Test (MTET) kila shah pynduh kam noh.
La ong baroh ki nonghikai kiba la shah pynduhkam ki long 1200 ngut, hynrei na pdeng jong ki don kiba la pass ia ka MTET bad kila shah thungkam hynrei kiba sah 850 ngut dei kiba la palat ia ka rta wat kam, ha ka por thung kam kila shu pan ia ka kyrdan pule ba dei ban ioh 45% ki mark bad ban pass ia ka Diploma of Elementary Education.
U bah Riangten la ong ba ha ka por ba ki shah thung kam ka MTET eksam kam pat don, katei ka eksam ka wan ha dien, la iathuh ba kila ia kynduh ia u mytnri rangbah ka jylla la hynriew sien, ha ki jingiakynduh kiba lai sien la ong ai jngmut kumno ban iarap, halor kane kila ai ia ki buid baroh da kaba shim nuksa na kiwei ki jylla.
Hynrei ki lai sien kiba ki ia kynduh hadien kam shym poi shuh ha kano kano ka jingiasngewthuh, haba ki kwah ban ia kynduh ia u myntri ka tnad pule na ka liang jongu myntri un kwah shuhban ia kren, kane ka jingleh kam dei ka jingbakla jong ki nonghikai hynrei dei ka jingbakla jong ka sorkar la kynnoh.
Ha kane ka sngi ki nonghikai shipor kiba la shah weng kam kila wan na kylleng ban ia shim bynta ha kane ka jingiakhih shong kyllain mungor kaba kila wan ban tur mynta ka sngi sha iing sah jong u myntri rangbah ka jylla ha kaba kila shahpynphoi noh sha jan ophis jong ka MBOSE.
