Shillong, Nailur 10: Ka seng Mawmluh Cherra Cements Employees Union (MCCEU) kala phah da ka jingthoh sha u Shongknor jong ka Mawmluh Cherra Cement Limited (MCCL) ban pan jingshai halor ka karkhna bad ka jingbym ioh tulop ki nongtrei.
Kumba ka long haduh mynta ym pat lah ban ia pynbeit ia ka tulop jong ki nongtrei na ka bynta ki nongtrei ka karkhana, kane ka jingbym lah ban pyniaid ia ka karkhana ka wanrah ia ka jingduh tulop ia ki nongtrei hapoh ka MCCL.
Na ka liang jong ka seng ka pynpaw ia ka jingsngewnguh ia ka sorkar kaba la iarap ia ki nongtrei hynrei kane kam wanrah ia ka jingiarap ia ki jingeh kaba ki nongtrei ka karkhana ki ia kynduh jingeh.
Ka seng ki nongtrei ka MCCL ki kyrpad ia u shongknor ba un wat ki lat ki lynti kumno ban pyniaid noh ia kane ka karkhana dewbilat khnang ba kin ioh ia ka tulop jong ki, na ka liang jong ka seng ki nongtrei ka MCCL ki kwah ban ioh ia ka jingshai lem kumta kin shim da kawei pat ka lynti.
Ia kane ka shithi kaba la phah sha u shongknor ka MCCL la soi da u President ka seng u bah Shanlang Diengdoh, u bah Pynskhem Lyngdoh Secretary, ia kane ka juh ka shithi la phah ruh sa kiwei ki ophisar kiba ia ei bad ka MCCL.
