Shillong, Nailur 7: U Myntri Rangbah ka jylla u Cornad K Sangma mynta ka sngi u la ia kynduh ia u myntri ka sorkar pdeng u Ashwin Vaishnaw ba dei peit ia ka tnad Information Technology ban pan Mobile Tower shuh ha Meghalaya.
U Myntri rangbah ka jylla u la pan ia kane ka skhim kan long na ka USOF kaba dei sha ki nongkyndong , ha kane ka jingiakynduh na ka liang jong u myntri rangbah ka jylla u Cornad u la ong ba ha ki jylla ba long lum kum ka jylla Meghalaya la dei ban kham pyrkhat kyrpang ia kane ka skhim.
Kumba ka long mynta ka jylla Meghalaya ka dang duna shibun ha ka jingioh ia ka network jong ka mobile ha kylleng jong ka jylla Meghalaya namar ba bun na ki skul ha ki nongkyndong kim lah ban pynglong ia ki Online klass na kadaw jong ka jingbym biang ka Network mobile.
