Pat la shim rai, ym bteng biang ka jingiakren pynbeit pud ha pdeng u Conrad bad u Hemanta

Shillong, K.Lyngkot  12:  U Symbut Myntri Rangbah ka jylla u bah Prestone Tynsong la ong ba mynta ka sngi kala don ka jingiakynduh biang hapdeng ki myntri rangbah jong ki ar tylli ki jylla Assam bad Meghalaya ban bteng ia ka jingiakren kam pynbeit pud.

Haba kren ha ki lat pathai khubor ha dien ka jingiakynduh ha pdeng u Cornad K Sangma myntri rangbah ka jylla Meghalaya bad u Hemanta Biswa Sarma ka jylla Assam kila ia kren sani bha mynta ka sngi bad ka jingiakren kala jan poi sha ka jingiabeit  lang ha kito ki jaka kiba la ia pynbeit.

Ha kane ka jingiakren batoh ar ngut ki mytnri rangbah kila bthah ia ka sorkar hala ka jong ka jylla  ba kin wanrah ia ki kaiphot kiba bniah bad ha dien kata kan sa don biang sa kawei ka jingiaiakynduh hapdeng ki ar ngut ki myntri rangbah jong ki ar tylli ki jylla ban ia kren sani.

La iathuh ba ha dien kata ka jingiakynduh ka ba kin sa ia kynduh biang bad ha dien kata kin sa ia buh por ban ia kynduh ia u myntri kam poh iing ka sorkar pdeng, kane ka jingiakynduh biang ka lah ban long ha ka 20 lane 21 tarik mynta u bnai ha kaba yn sa lah ban pyntip sha ki paidbah ia ka jingiakren jong ki ar jylla.

Ha kane ka jingia kynduh mynta ka sngi hapdeng ki ar ngut ki mytnri rangbah ka Assam bad Meghalaya kim pat shim kano kano kano ka rai hynrei la buh por biang ba kin ia kynduh biang mynta u bnai ban shim ia ka rai bad ia ka rai ynsa pyntip paidbah, la ong u bah Prestone.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet