Shillong, Lber 13: Ka iing dorbar jong ka jylla Meghalaya mynta ka sngi kala pdiang ia ka Meghalaya State Investment Promotion and Facilitation (Amendment) Bill 2025 ha dien bala ioh ia ka jingpynshai na u myntri rangbah ka jylla u Conrad K Sangma halor kane ka ain.
Ha dien ba u myntri rangbah ka jylla u Conrad K Sangma buh ha khmat ka iing dorbar ia ka Meghalaya State Investment Promotion and Facilitation (Amendment) Bill 2025, u Lamphang ka iing dorbar la pynbna ba ki don ar tylli ki jingpynkylla ia kane ka Bill, kawei na ka sorkar bad kawei na u bah U bah Ardent Millar Basaiawmoit MLA.
U Lamphang ka iing dorbar la pynbna ban ia kren shuwa ia ka jingkynkylla kaba la wan na ka sorkar, ha kaba la shim shuwa ia ka jingpynkylla kaba la wan na ka sorkar ha kaba la bthah ia u myntri rangbah ba un wanrah hapoh ka iing dorbar.
U myntri rangbah u la wanrah ia ka jingkynkylla ia ka Meghalaya State Investment Promotion and Facilitation (Amendment) Bill 2025, ha kaba la pule, ka jingpynkylla ka long ban weng noh ia ka kyntien “Land Bank” da kaba thied beit ne da kiwei ki rukom, kaba paw ha ka lain kaba lai ha ka kyndon kaba 3 klos (I) jong ka kyndon kaba 4.
Haba kren halor kane ka jingpynkylla ia katei ka ain u myntri rangbah la ong ba kim don kata ka jingai ia ki jaka sha ki kompeni ne ban ia die ia thied kata kaba ki don ka jingpyrkhat, ban weng ia kane ka jingpyrkhat ka sorkr ka wanrah ia kane ka jngpynkylla ban ai ka jingsngew shngian sha ki paidbah.
Kane ka jingsngap ia ka jingsngew ka long ban khlem da pynkynriah ia kata ka thong ban kyntiew ka ki lat ki lynti ba kin wan ban seng kam ha kane ka jylla, ka sorkar ka wan rah iakane ka jingpynkylla ka long ban seng noh ia ktien “Creation of Land Bank” da kaba thied beit ne da kumwei pat.
Kawei pat ka jingkynkylla la wan rah da u bah Ardent Millar Basaiawmoit MLA, u la wanrah ia ka jingpynkylla ia ka kyndon 4 3.(I) jong ka Meghalaya State Investment Promotion and Facilitation (Amendment) Bill 2025 ba dei ban weng noh ia katei ka bynta, ha kaba u la pynskan ba balei ban weng noh ia kane ka bynta.
Ha dien bala ioh ia ka jingpynshi na u myntri rangbah ka jylla haba ia dei bad kane ka Meghalaya State Investment Promotion and Facilitation (Amendment) Bill 2025, na ka liang jong u bah Ardent Miller Basaiawmoit u la weng noh ia ka jingwanrah ia ka jingpynkylla.Ha dien bala weng ia ka jingpynkylla, u Langphang ka iing dorbar u la buh h khmat ka iing dorbar ia kane ka bill ha kaba ka iing dorbar kala pdiang ia kane ka Bill.
