Pdiang ka Kabinet ban ioh ia ka 98 million Dollars ban pynbha ia ki jaka shangsuwari: Conrad

Shillong, Jymmang 06:  Mynta ka sngi ka jingialang jong ka Kabinet kala pdiang ia ka jingwan bei pisa na bar ri na ka bynta ka skhim kaba la tip kum ka “ Meghalaya Eco Tourism Infrastructure Development Project”  kaba dei 98 million  dollars kaba dei na ka New Development Bank (NDB).

U Myntri Rangbah ka jylla u Conrad K Sangma haba kren ha ki lat pathai khubor la ong ba kane ka pisa kaba la ioh na sha bar jong ka ri ka long ban pyndon kam ha kaba shna ia ki jaka jngohkai pyrthei bad ban pynbha ban pynneh pynsah ia kiba la don.

La iathuh ba ka sorkar pdeng shuwa ba kan pdiang ia kane ka jingbei pisa na ka bynta ka jylla Meghalaya ka don kam ban ioh ia ka jingmynjur jong ka kabinet bad na ka liang jong ka kabinet kala pdiang ia kane ka skhim ban pyntrei ha Meghalaya.

Kawei pat ka bynta kaba ka kabinet kala shim ia ka rai ka long halor ka phang ban ai ia ka syrnot sha ki rit paid ha kaba ai dei bad ka jingdon jong em jong ki, ia kane ka syrnot lah ban ai lada ka jignioh kan long hapoh jong ka 8 lak tyngka ha ka shisnem, bad ka jaka rep jong ki lada ki don ka dei ban long hapoh jong ka san akar, lane ki don ia ki iing sah ba 1000 phut sawdong.

Lada kito kiba kwah ban ioh ia ka syrnot ba ki dei kiba duk ka jingioh jong ki kam dei ban palat ia ka phra lak tyngka bad ka jaka rep kam dei ban tam ia ka san akar lada ki palat ia kata kin nym ioh shuh ia ka syrnot, kane ka syrnot kan long beit tang na ka bynta ki kam kiba dei bad ka sorkar pdentg kumba la dep ban jubab ha iing dorbar thain ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet