Shillong, K.Lyngkot 19: U Mytnri rangbah ka jylla u Cornad K Sangam mynta ka sngi u la pyntip ba ha ka jingialang jong ka Kabinet kaba la long mynta ka sngi la shim ia ka rai ban pynjla ia ka rta thung kam sorkar sha ka 37 snem.
Kane ka rai kan long habaroh ki tnad sorkar, lait noh ha ki tnad sorkar kiba dei bad ki kam Pulit, Forest Guard, Home Guard, Civil Defence, kane ka rai jong ka cabinet mynta ka sngi kan nym trei kam. Ka rta thung kam kan long haduh 32 snem, katba ia ki riewlum la pynjlan sa san snem kata ka long 37 snem.
U Myntri Rangbah la ong ba ka Kabinet kala pdiang ia ka polisi trei kam kaba thymmai ia kaba ia dei bad ka koit ka khiah, ha ki shnong ki thaw ym buh noh da ka “Village Health Committee” kane kan peit ia ka koit ka khiah ha ki shnong ki thaw ha kaba u rangbah shnong, Nokma kin long ki shongknor kane ka VHC.
Ka Kabinet kala pdiang ia ka National Highway Act, kane ka dei ka ain jong ka sorkar pdeng, ka jingpdiang ia kane ka ain ka long ban pynkloi ha kaba shim jaka ban shna ia ki Surok Bah ha ka Ri bad ha kane ka jylla ruh kum juh, da kaba pdiang ia kane ka ain kan pynkloi ha kaba shim jaja ban shna ia ki National Highway.
