Shillong, Iaiong 08: Ka Kynhun Myntri ka Sorkar Jylla ha ka sngi Ba-ar, ka la mynjur ia ka jingtyrwa ban pynkiew ia baroh ki jingmyntoi ba la ai sha ki Chief Justice bad ki nongbishar ba la shongthait jong ka Iingkashari Meghalaya High Court. Ia kane ka rai la shim haba pynshong nongrim na ki lai tylli ki jingkyrpad ba la wanrah da ka Iingkasahri bad ki Judge.
Haba kren sha ki nongthoh khubor hadien ka jingialang, u Myntri Rangbah Conrad K Sangma ula ong lai tylli ki jingkyrpad kila wan bad kat kum ka jingkyrpad na ka Iingkasahri bad ki nongbishar da lade kila thoh ban kyntiew ia ka jingsiew.
Ki jingpynkiew ka long kum ka bai bording ka long 1000 unit shibnai ba mynjur ban pynphai haba iadei bad ka POL 100 liter shibnai kat kum ka dor Meghalaya bad ka mobile bad internet ka long T.4200 shibnai nalor ka khajna la mynjur da ka Kynhun Myntri ban kyntiew”
Haba ia dei bad ki nongbishar lada ki shah thung ban leh ia kano kano ka kam lane pynlong chairman jong kano kano ka Committee kumta kine ki jingmyntoi kin ym treikam shuh namar kin sa ioh ia ka pisa ba la mang sha kine ki kam ba kin leh” ula ong.
Ka Sorkar Jylla ka la bthah ia ka Search Committee ba la thung ban jied ia u shongknor bad dkhot ba thymmai ka Meghalaya Lokayukta, ba kin aiti noh ia ki kyrteng ban thungkam hapoh ka 30-45 sngi.
La kyntu ia ka Search Committee ba la khlieh da u Ophisar IAS barim Bah Peter Dkhar ba kan pyndep noh kham kloi ia kane ka kam. Ngi khmih lynti ban aiti noh ia ki kyrteng hapoh ka 30-45 sngi.
Shisien ba la dep kane, kin sa iashong biang ha ka Committee kaba khlieh da u Myntri Rangbah ba iadonlang u Lamphang ka Iingdorbar, Symbud Myntri Rangbah, Nongialam ka Liang Pyrshah bad Chief Justice ka Meghalaya.
U pyntip ba ka Kynhun Myntri ka la mynjur ruh ia ka Amendment jong ka Rules na ka bynta ka Search Committee da kaba pynbun ia ka jingsiew bai shong jingialang jong u shongknor bad ki Dkhot.
Mynshuwa, ki dkhot ka Committee ki ju ioh T.2500 shisien shong jingialang bad la sngew ba dei ban pynkiew noh ia ka namar tang kawei lane artylli eh ki jingialang ki long. Ia ka pisa la pynkiew sha ka T.5000 ia ki dkhot bad ia u Shongknor na ka T.3000 sha ka T.6000” ula bynrap.
