Shillong, Lber 15: Ha ka jingialang kaba la long ha pdeng ka Meghalaya people Labour Union(MLPU) bad ki saw tylli 
ki seng baniah Tourist Taxi kila pdiang ia ka dor bai kali thymmai kaba la pynbna da ka sorkar Meghalaya.
Ia kane ka jingalang la pynlong ha ka sngi thohdieng hapdeng ka MLPU bad ki saw tylli ki seng nongniah Toruist Taxi ban shim ia katei ka rai ba ki pdiang ia ka dor bai kali kaba la buh da ka sorkar jylla lyngba ka transport department.
Haba ia dei bad ki kali Sumo bad ki Innova kun ka seng kam pat hun, halor kane la rai ban thoh biang sha u Commissioner ba dei peit ia ka transport department jong ka sorkar.
Ha kane ka jingialang kila shim ruh ia ka rai ban ia kren bad ka sorkar ba kan pynkiew noh ia ka bai shimwai kali bad haba ia dei bad ka jingsiew ka sorkar ka dei ban siew noh ha dien ba la pynlait ia ka kali.
Ka jingialang kala thung ruh ia ka kommitte hapoh ka jingpeit jong u bah Myguardy Thabah ban wad bniah ia ki rukom shim wai kali ki hotel bad ki company na ki paidbah ha kane ka jylla.
Ia ka jingialang la pyniaid da u Bah Erwin K Syiem Sutnga Advocate President Meghalaya People’s Labour Union ki nongkit kam na ki seng nongniah tourist taxi ki long u bah Ferdinand Jyrwa President bad u bah Myguardy Thabah general secretary na ka Meghalaya Tourist Transporters’ Association.
Na ka seng All Shillong Tourist Taxi Driver United Organisation wan mih da u Antrolius Marak president bad u Shiva Deb general secretary, na ka seng Khasi Hill Tourist Taxi association la wan mih da u President bah Justine Lyngdoh bad Bhaskar Deb General Secretary, na ka Hynniewtrep Tourist Taxi Association la wan mih da u Bah Kordor L. Mawlong president la don lang ruh u bah Valentino Kharnaior Asst General Secretary MPLU.
