New, Delhi Iaiong 02: U Cabinet Secretary, Rajiv Gauba u la pyniaid ia ka jingialang bad ki Chief Secretary, DG Police bad ki Health Secretary jong baroh ki jylla bad UT ha kaba u la ban jur bha halor 11 tylli ki jylla bad UT kiba la lap ka jingbun ki case ba man ka sngi bad ka jingiap briew kaba bun na ka khlam COVID ha kine ki ar taiew ba la leit.
Ha kane ka jingialang, la iashim bynta ki Chief Secretary, ki DGP, bad ki nongai jingsumar kiba pawnam na baroh ki jylla bad UT ha ryngkat u Member (Health) NITI Aayog, Union Home Secretary, Union Health Secretary, Union Secretary (I&B), DG ICMR bad u Director ka NCDC.
Da kaba peit thuh ia ka jinglong jingman namar ka jingkiew ki case bad ki jingiap na ka khlam COVID ha kine ki 14 sngi ei ei, u Cabinet Secretary u la iathuh ba ka jingbun ki case COVID ka long 6.8% ha u Lber 2021 bad ba kane ka la tam ia ka record kaba 5.5% (Jylliew 2020).
Ka ri ka la ioh ruh ia ka jingkiew ha ka jingbun ki briew kiba iap na ka COVID man ka sngi (5.5%) ha kane ka por. Katba ka ri ka ioh kumba 97,000 ki case COVID ba thymmai man ka sngi ha ka por ba kane ka khlam ka jur bha ha u bnai Nailur 2020, ka ri mynta ka la kot sha ka 81,000 tylli ki case Covid ba man ka sngi.
Lyngba ka jingai jingtip kaba bniah, u Union Health Secretary u la pyni ia ka rukom kiew ka khlam COVID ha ki jylla bad UT katba u Union Secretary (I&B) u la pyni ia ki rukom ban ai jinghikai ia ki briew ba kin bat ia ki rukom im kiba iada na ka khlam COVID.
U Dr V. K. Paul u la ban jur halor ka jingdonkam ia ki jylla ba kin bat ia ki kyndon ban ai jingtip kaba biang khnang ban wad bniah ia ka rukom kylla une u khniang jingpang. U Union Home Secretary u la ong ruh ba ha kine ki 11 tylli ki jylla bad ki UT kiba la mad ia ka jingbun ki case COVID ba thymmai, ym pat iohi ia ki sienjam ban pyntreikam ia ki lad ban aid jingiada katkum ka jingbun ki case. U la kyntu ia ki Chief Secretary bad ki DG (Police) jong ki Jylla bad UT ba kin shim ia ki sienjam ban tehlakam ha kaba iadei bad kane.
Ia kine ki 11 tylli ki Jylla bad UT la ithuh mynta kum ki ‘Jylla kiba pynkhuslai bha’ namar ka jingbun ki case bad ka jingkiew ki case bad ki jingiap man ka sngi. Kine ki don ka bynta kaba 90% jong ki case COVID (haduh ka 31 tarik u Lber) bad 90.5% jong ki jingiap briew (haduh ka 31 tarik u Lber) ha kine ki 14 sngi ba la dep bad ki la tam lane ki la jan tam ia ka jingbun ki case kumba la lap mynshem snem.
La ban jur ruh ba ka jinglong jingman ha Maharashtra ka long kaba pynkhuslai bha. La ai jingmut ban sdang mardor ia ki sienjam ban tehlakam ia ki case ba thymmai bad ka jingiap briew lyngba ka jingbat ia ka ‘Clinical Management Protocol’ kumba la dep batai lypa ia baroh ki Jylla bad ki UT.
Sa kawei pat ka bynta kaba pynkhuslai ka long ba ki nongbah Tier 2 bad Tier 3 ha ryngkat ki jaka harud jong ki la ioh mad ia ka jingbun ki case COVID; ha kaba ka jingpur jong ka khlam na kine ki jaka sha ki jaka nongkyndong kiba dang duna ki lad ai jingsumar kin wanrah ia ka jingeh kaba khraw ia ki bor shnong.
Hadien ka jingpeit bniah ia ki sienjam ba la shim da ki Jylla bad UT, u Cabinet Secretary u la ban ia ka jingdonkam ban long husiar bad leh tyngeh ha ka jingpyntreikam pyrkhing ia ki lad tehlakam bad peit bniah, ryngkat ka jingpynkhlain ia ka jingai dawai bad ka jingpyntreikam pyrkhing ia ki rukom ba iadei bad ka COVID.
La bthah kyrpang ia ki jylla ban, Kyntiew ka jingleh ia ki test khnang ban pynthikna ba ka jingdon kiba ioh ia kane ka jingpang kan hiar sha ka 5% lane duna ia ka 5% Ka jingphaikhmat ban pynthikna ba ki test RT-PCR ki kynthup 70% jong baroh ki test.
Ka jingpynduna ia ka por ap ia ki resol jong ki test da kaba peit bniah man ka por bad ki jaka ba leh ia ki test Pyndonkam ia ka Rapid Antigen Tests (RAT) kum ka screening test ha ki jaka ba bun briew bad ha ki jaka ba dang mih ki cluster ba thymmai.
Baroh kiba test negative lyngba ka RAT ki dei ban leh ia ka test RT-PCR. Pynthikna ka jingbuh marwei mar mar ia kito kiba ioh ia ka jingpang ha ki jaka ai jingsumar ba la buh na ka bynta ka Covid.
Pynthikna ba dei ban peit thuh man ka sngi ia u nongpang ba la pynsah kyrpang marwei. Dei ban pynkynriah mar mar ia ki nongpang kiba pynsah kyrpang marwei sha ki jaka ai jingsumar, lada donkam.
Pynthikna ba dei ban wad kumba 25 haduh 30 ngut ki briew kiba iakynduh ia uwei u nongpang. Ka jingbuddien ia ki briew kiba iakynduh bad ka jingpynsah kyrpang marwei kadei ban long ha ki 72 kynta. Hadien dei ban test bad sdang ka jingbuddien ia kito baroh kiba iakynduh ia u nongpang.
Ka jingplie ia ki Containment Zone, Micro Containment Zone ban pynduh ia ka jingiabit jingpang.La bthah ruh ia ki Jylla ban peit bniah ia ka jingbun ka jingiap briew ha man ki hospital, ban saindur ia ka rukom treikam ban pynduna ia ka jingpynpoi slem ia ki nongpang sha ki hospital bad ka jing bym bat ia ka National Clinical Management Protocol.
La ban jur ruh halor ka jingdonkam ban saindur ia ki District Action Plan da kaba peit bha ia ka jingithuh ia ki case, ka jingpeit biang ia ki dak ki shin ha ki ward bad ki block, ka Emergency Operations Center kaba treikam baroh shi sngi bad man ka sngi, ka Incident Command System (Ka Rapid Response Team ha man ki jaka bad ka jingpynbiang jingtip haba kloi).
Khnang ban pynduna ka jingdon kiba khlad man la ka sngi, la ai jingmut ia ki Jylla ban pynkhlain ia ki jingdon jingem jong ki jaka sumar nongpang la bthah kyrpang ia ki, ban pynbun ia ki jaka thiah marwei, ki jingthiah ba don oxygen, ki ventilator/ki jingthiah ha ICU katkum ka jingdonkam.
Ka jingpynbiang ia ki oxygen, Ka jingpynkhlain ka jingshakri ki kali kit nongpang (ambulance) bad ka jingpynduna ia ka por ban ai jingiarap bad ka jingkyntait ban ai jingsumar da kaba peitngor man ka por da ki bor ba dei khmih ha ka thain Ka jingpynthikna ka jingdon ki nongtrei contractual bad ka jingbatai ia ki kam.
Ka jingbuh ia ka tele-consultation na ka bynta ki doctor ha ki ICU ha ki distrik bad ka AIIMS, New Delhi, ka New Delhi Core Team lane ka State Core Team. Ka AIIMS, New Delhi ka pynlong ia ka Tele-consultation ar sien shi taiew ha man ka sngi Ba ar bad sngi Thohdieng.
La bthah ba dei ban pyntreikam bha ia ki rukom im ban iada na ka khlam COVID bad ki Jylla / UT ki dei ban leh mardor ia kine harum, Ka jingpyndongkam ia ka Police Act, Disaster Management Act bad kiwei kiwei ki ain ban dain kunai a kito kiba pynkhein ia ki kyndon.
Ka jingpyndonkam ia ki lad bapher bapher ban pynsaphriang jingtip halor ka rukom pyndonkam ia ki jingda khmat bad ka jingpynjngai iwei na iwei.
Ka jingpeit bniah ia ki iew, ki tamasa, ki jingialang niam ne ha ka imlang sahlang kiba lah ban pynsaphriang ia ka jingpang.
Ka jingpyntip halor ki rukom ba iadei bad ka COVID kilong kiba kongsan kum ka jingioh dawai, bad ia kane dei ban bud wat hadien ba ladep ioh dawai.
Dei ban pynsaphriang ia ka khubor jong ka ‘Dawai Bhi, Kadai Bhi’ lyngba ki lad pathai khubor bad ki rynsan kiba bun bynta.
Khnang ban pyndep ia ka jingai dawai ia kito ki bynta ka imlang sahlang kiba don ha ka jingma khamtam ha kito ki distrik kiba mad ia ka jingbun ki case COVID ba man ka sngi, la ai jingmut ia ki jylla bad ki UT ba kin bud ia kine harum:
Ka jingbuh por ban pyndep lut ia ka jingai dawai ia ki nongai jingsumar, kito kiba trei ha ki kam COVID bad kito kiba la kot ka rta ba la buh ban ioh dawai.
Ka jingiatreilang bad ka Tnat ka koit ka khiah jong ka Sorkar Pdeng ban pynthikna ka jingioh ia ki dawai. La ban ba kam don kano kano ka jingduna dawai bad ki Jylla bad ki UT, ka Sorkar Pdeng ka bteng ban pynbiang ia ki jingdonkam jong ki jylla bad ki UT.
Ka jingpeit man ka sngi ia ka jingpyndonkam ia ki dawai na man ka Cold Chain Point ha ki jylla khnang ban ioh ban pynpoi dawai katkum ka jingdonkam.
U kabinet Secretary u la kyntu ia ki Chief Secretary ba kin pyntreikam ia ki bor jong ka jylla bad ban pyndonkam lut ia ki lad kiba ki don ban ialeh pyrshah ia kane ka jingbun biang jong ki case COVID. La ban jur ruh halor ka jingdonkam ban kyntiew ia ki sienjam jong baroh ki tnat ka sorkar bad ban don ka jingiatrei lang.
La ban jur ruh ba ka Sorkar Pdeng ka dang bteng ban pynbiang baroh ki jingdonkam jong ki Jylla bad ki UT na ka bynta ka jingialeh pyrshah ia ka khlam COVID 19.
