Peit bniah u Myntri Rangbah duh bad ki Empower Group halor ka khlam COVID-19

The Prime Minister, Shri Narendra Modi addressing at the inauguration and foundation stone laying ceremony of key projects of the Power and Urban sector in Kerala, via video conferencing, in New Delhi on February 19, 2021.

New Delhi, April 30:  U Myntri Rangbah Duh ka ri, u Narendra Modi u la pynlong ia ka jingialang lyngba ka bor internet ban peit bniah ia ka rukom treikam jong ki empowered group bapher bapher.

Ka Empowered Group on Economic and Welfare measures ka la pyntip ia u Myntri Rangbah Duh shaphang ki sienjam kum ka jingbteng jong ka PM Garib Kalyan Anna Yojana. La iathuh ruh ba ka jingplie lad ban rah ia kane na kawei ka jaka sha kawei pat lyngba ka One Nation One Ration Card ka la ai jingiarap ia kham bun ki briew.

La bteng ruh ia skhim insurance na ka bynta kito kiba ialeh pyrshah ia ka khlam Covid-19 sa 6 bnai. U Myntri Rangbah Duh u la hukum ba ka Sorkar Pdeng ka dei ban iatrei lang bad ki jylla ban pynthikna ba ki briew ba duk ba suk kin ioh bynta ha ka jingaiei ia ki mar bam bad ba kim dei ban shem jingeh eiei ha kane.

U Myntri Rangbah Duh u la ong ruh ba dei ban shim ia ki sienjam ban kham pynstet ban pyndep ia ki jingsiew insurance khnang ba kito kiba dei ban ioh jingmyntoi ki ioh ia kane ha ka por kaba biang.

Ka Empowered Group halor ki kam kiba iadei bad ka jingpynsuk ia ka jingpynkit mar bad kiwei kiwei ki kam ka la pyntip shaphang ki jingai jingmut halor ki sienjam ban shim khnang ban tehlakam ia ka khlam.

U Myntri Rangbah u la hukum ia ki ophisar ba kin saindur ia ki kam da kaba peit ia baroh ki bynta khnang ban pynthikna ba ka jingpynkit mar ka long kaba iaid beit iaid ryntih bad ba kan lait na kano kano ka jingwit.

Ka Empowered Group halor ka jingiatrei lang bad ki bor shimet, ki NGO bad ki kynhun nabar ri ka la pyntip ba ka Sorkar ka dang iatrei lang bad ki bor shimet, ki NGO bad ki kynhun nabar ri.

U Myntri Rangbah u la bthah ia ki ophisar ban peit kumno ban pyndonkam ia ki briew trei mon sngewbha ha ki kam bapher bapher khnang ban pynsting khyndiat ia kito kiba ai jingsumar.

La ai jingmut ba ki NGO ki lah ban iarap ban rah khubor hapdeng ki nongpang, kiba haiing jong ki bad ki nongai jingsumar. Lah ruh ban pyndonkam ia ki shipai ba la shong thait ha ki kam call centre khnang ban kham suk ban iakren bad ki briew kiba dang pynsah marwei ha la iing.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet