Mairang, August 1: Hadien ka jingkyndang jong ka Sorkar Assam ia ki briew kiba nabar bad kiba shong be-aiñ ha katei ka jylla, ka Sorkar Meghalaya bad ki kynhun bapher bapher hapoh ka jylla ki la shimkhia ban peitngor bha ia ka jingrung jingmih ki bar jylla, khamtam ha ki bynta bapher bapher jong ka West Khasi Hills.
Ha Eastern West Khasi Hills District, ka tnad pulit jong ka district ryngkat ka jingïatreilang bad ka seng Hynniewtrep Achik National Movement (HANM), lyngba ka Anti-influx Operation Cell, ki la pynlong ia ka jingap pahara bad ka jingpeit pyrman mynta ka sngi ka 1 tarik u Nailar 2025.
Ia Kane ka jingpeit pyrman la pynlong ha surok bah NH-44(E) ha Lad Kyllang, kaba hap hapoh ka Mairang Block, da kaba talasi bad peitngor bha ia ka jingrung jong ki briew kiba na bar jylla.
