Shillong, Nailur 01: Ka KSU Laban Circle mynne ka sngi ka la wan kynduh ia DC ka EKH District ban phah weng noh ia ki bar jylla ba sah beain hapoh Maxwellton Estate. Ki bar jylla kiba shong beain hangne ki don kumba 150 tam ki longiing bad ka Seng ka la ban jur ba dei ban weng mardor ia kine ki bar jylla ba shong beain ioh kane ka jaka.
Katei ka jaka ruh kala kylla long sa kum kawei pat ka ‘Them Mator’. Ka Seng ka la ban ruh ba kumno kine ki briew ki ioh ban ri masi ha kine ki jaka watla ka dei ba hap hapoh Municipal Area bad ka ain hi kam shah. Kane ka jaka ka la long ruh kum ka ktem leh kam awria, jaka iathied iadie drok bad bun ki kam sniew ki ba ju Jia na ka por sha ka por.
Bad halor ka jingkyntur pud jong u shipai ka Seng ka la kyntu ia DC ban shim khia namar na ka por sha ka por ki shipai ki ju pyndik ia ka shongsuk shongsain bad ka iaid ka ieng jong ki paidbah bad ka Seng ka la ban jur ba dei ban weng noh ia ki jingthoh ba thoh ‘Defence Land’ jaka shipai ha ki surok bad jaka ba hap jong ka PWD bad ki riew shimet.
Na ka liang jong DC ka la kular ban shim khia halor kane ka bynta ban bthah ia ki bor pyniaid ban leh ia kaba donkam.
