Shillong, Jylliew 11: Ka khasi Students’ Union Central Executive Council, ka pynpaw iaka jingsngewsih bad sngewdiaw, hadien ba la ioh jingtip ba u bah (L) Bah Readington M.Marweiñ uba long u trai bad u nongpynmih ia ka Kotkhubor Mawphor bad Highland Post u la khlad noh na kane ka sla pyrthei myn ha ka 10 tarik u Jylliew 2021.
Ka jingkhlad noh jong une u Rangbah u ba la ieh bha ha ka Saiñ Pyrkhat ka la long ka jingduh kaba khraw ym tang ia ka iing ka sem hynrei ka long jingduh ia ka Jaitbynriew hi baroh kawei. Ka jingnoh synñiang jong une u Rangbah sha ka Jaidbynriew lyngba ka jingpynmih ia ki lad pathai khubor, ki long ki matti ki ban iai neh bad sah kynmaw junom.
Ha kaba kum kane ka khyllipmat ngim don kyntien da kum wei pat,namar u Kynrad nongthaw u tip kham bha halor kiei kiei baroh, hynrei ngin buh ryngkat ha ki jingduwai ba u Blei Trai kynrad un pyntngen pyntngeh, ban sop ban spaiñ pat ia ki jing pangnud kum ka iing kaba ia kynduh kum kine ki jingjia.Un pyndap iaka jaka ba thylli,ha kum kane kapor ba u lyoh ba dum u wan kah iaka iing ka sem.
Kyntang ia wai ai ba ka mynsiem jong une u Rangbah kan shong jah thait junom la junom ha ka jaka kaba u Blei u la mang lypa.Ngi kitbok ruh ia ka Iing ka sem jong une u Rangbah ba kin dang ia bit ia biang ha ka koit ka khiah,kin dang roi parum pareh khamtam ban iai bteng bad pynjanai shuh shuh ia ki kam kiba une u Rangbah u la prat lynti .
Leit suk bad Shong suk ha dwar u Blei (L) Bah Readington M. Marweiñ, la ong u president ka KSU samla Lambokstawell Marngar bad General Secretary ka seng samla Donald V.Thabah ha ka kyrwoh mynta ka sngi.
