Shillong, Naitung 09: Ka ophis jong u Civil Sub Division Sohra kala dep ban ai ia ki jingpyntip sha ki trai par mawshun kiba don ha ki thain Majai ba kin khangnoh ia ka jingtih mawshun na ka daw ba ki khlem ioh ia ka mining lease na ka sorkar.
Ki par mawshun ha katei ka thain kiba la ioh ia kane ka jingpyntip na ka ophis jong u SDO ka long haduh 80 tylli baroh bad na ka liang jong ka ophis jong u SDO kala phah khang ia ki mardor lem kumta ka ophis kan register da ka mukotduma pyrshah ia ki ba trei par.
U Bah Kynjing SDO jong ka Sohra, haba kren ha u SP News Agency u la iathuh ban a ka liang jong ka ophis kala dep ban phah da ka jingthoh kumba 80 tylli ki par Mawshun ba ki dei ban khangnoh namar kim shym don ia ka minging lease katkum ki kyndon kiba la buh ka sorkar.
Na ka liang jong ka ophis ha dien ba kala phah ia kine ki jingpyntip da ka jingiatreilang bad ka Tnad khlaw jong ka sorkar jylla kaba ai ia ka Mining Lease kala maham tyngeh ba lada ki dang beteng ia kane ka jingtih maw ha dien ba kila ioh ia ka jingthoh ka ophis kan hap ban register da ka mukotduma pyrshah ia ki.
