Shillong, Nailar 7: Ka Meghalaya Editors’ and Publishers’ Association (MEPA) ka pynpaw ïa ka jingsngewkyndit bad jingsngewsih kaba khraw halor ka jingkhlad noh jong u Bah Syndor S. Syiem u ba ju khot ieit u Bah Syiem uba long u nongthoh kotkhubor bad u Editor uba la rim ha ka jylla.
U Bah Syiem u la shakri ïa ki paidbah ka jylla lyngba ka kam thoh kotkhubor mynta la 35 snem. u la long u Editor barim jong U Nongsaiñ Hima bad jong u Peitngor. Kum u nongthoh kotkhubor ba la rangbah i la noh shibun u synñiang u bynhei ha kane ka bynta.
u Bah Syiem i long ruh u dkhot jong ka MEPA naduh ba la sdang ïa ka. I la bat ruh ïa kiba bun ki kam ba la bynshet ha i da kane ka kynhun lyngba kine ki snem ba la leit noh haduh ka jingkhlad noh jongi. Ka jingkhlad noh jong i Bah Syiem ka la long da shisha ka jingduh kaba khraw ïa ka kam thoh khubor ha ka jylla bad ruh ïa ka MEPA.
Na ka liang ka MEPA ka phah ïa ka jingsngewlem sha ka ïing ka sem jong u Bah Syiem bad ngi duwai ba ka ïing baroh kawei kan ïoh ïa ka jingpyntngen da u Kynrad na neng ha kum kane ka jingjia ha sngewsih. La ong u bah John W. Thabah General Secretary MEPA.
