Phah sngewlem u Lamphang ka iing  dorbar thawain ba khlad  u bah David MLA

Shillong, Rymphang 02: U Bah Metbah Lyngdoh Lamphang ka iing dorbar thawain ka jylla ha ka khubor sngewlem kaba la phah mynta ka sngi u la pynpaw ia ka jingsngew kyndit halor ka jingkhlad noh u bah David A Nongrum MLA jong ka 13-Mawryngkneng konstitwensi.

U Lamphang u la ong ba ia u bah David ym sah kynmaw kum u MLA ba dang samla bala shah jied ar sien kum u MLA jong ka 13-Mawryngkeng Konstitwensi, u Lamphang ka iing dorbar u phah ia ka khubor sngewlem sha kiba ha iing hasem halor kane ka jingkhlad kyndit jong u bah David A Nongrum MLA.

Na ka liang jong u Salseng A Sangma shongoknor jong ka “Privileges Committee” jong ka iing dorbar thawain u pynpaw ia ka jingsngewsih halor kane jingkhlad kyndit jong u MLA ka 13-Mawryngkeng u bah David A Nongrum .

U Saleng u la pynkynmaw ia ka jingiadei bad u MLA bala khlad noh kum ki dkhot jong ka iing dorbar, na liang jong u u phah ia kane ka khubor sngelem sha kiba ha iing sem halor kane ka jingkhlad ba kyndit jong u bah David.

Na ka liang jong ki ophisar bad ki nongtrei jong ka iing dorbar thawain ka jylla ki pynpaw ia ka jingsngewsih halor kane ka jingkhlad ba kyndit jong u bah David A Nongrum bad ki phah ia kane ka khubor sngewlem sha kiba ha iing ha sem halor kane ka jingkhlad noh ka jong u. La ong u Dr. Andrew Simons Commissioner bad Secretary jong ka Meghalaya Legislative Assembly ha ka kyrwoh kaba la phah mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet