Shillong, Risaw 19: U Syiem jong ka Hima Khyriem u Dr Balajied S Syiem ryngkat u Bah John Kharshiing kila leit ban ia kynduh ia ka para khatduh jong u Archbishop Rev Dominic Jala ka kong Alina Jala bad ia ki hynmen ha iing sah ha Mawlai Phudmawri.
Ha kane ka jingiakynduh na ka liang jong u Syiem ka Hima Khyriem bad u Bah John Kharshiing na ka FKS kila pynpaw ia ka jingsngewlem ka jong ki halor kane ka jingkhlad noh jong u Archbisop Rev Dominic Jala.
Ha ka shithi sngewlem kaba la ia sha kiba ha iing kala kren ba u Archbishop Dominic Jala iba long u riewniam uba jai jai bad uba la im ka jingim kaba shisur. u la aiti ialade na ka bynta kiba duk kiba shitom khamtam sha ki jaka kyndong.
Ki paidbah kin nym klet ia ki jingnoh syniang ki jong i ha kane ka jylla baroh kawei. Ha kum kane ka por ha ka kyrteng jong ka Dorbar Ki Khlieh Nongsynhsar bad ka Federation of Khasi States ki phah ka jingsngewlem sha ki ba haiing hasem bad kum juh ia ki paidbah jong ka Archdiocese Shillong.
