Shillong, Jymmang 17: Ka jingangnud ba la slem ki nongshong shnong ka shnong Lynshing kumjuh ruh ka jingangud u MDC barim ka Mawkynrew Constituency u bah Martle Mukhim u ba dei na katei ka shnong.
Ha ka 16 tarik u Jymmang 2025 u MLA ba mynta ka Mawkynrew Constituency u bah Banteidor Lyngdoh u la pynurlong ia kane ka jingangnud ki nongshong shnong ka shnong Lynshing bad ka thaiñ hi baroh kawei ha ka ba u la wan ban plie ia ka jaka ai jingsumar bad jaka ai dawai kaba la tip kum ka Lynshing Health bad Wealthness Sub-Center.
Ki nongkren ba pher ba pher ba la ai jingkren ha ka jingialang plie ia kane Lynshing Health & Wealthness Sub-Center ki la pynpaw ba hapdeng ka jingiaid lynti ban pyntyllun ia ka kam ban tei ia ka building ki la iakynduh shibun ki kyrum kynram hynrei da ka jingiatreilang ki nongialam shnong bad ki nongshong shnong kumjuh ki seng ba pher ba pher la lah ban pyndep bad la ioh ban plie ha kane ka sngi.
Ka shnong ka la aiti ruh ia ka memorandum ha u MLA ka Mawkynrew Constituency na ka bynta ki jingdonkam ba dang duna katei ka sub center kaba la plie ha ka sngi thohding ka 16/5/2025 ban dang kham pynbha shuh shuh ia kane ka jaka ai jingsumar.
La sdang ban sdang ban tei ia kane ka sub center naduh ka 26 3 2024 bad la lah ban pyndep katkum ka por ba la buh bad ka jingpynlut ha ha kaba tei ia kane ka Sub-Center ka ba kot 55.5 lakh tyngka ba la bei tyngka da ka National Health Mission (NHM) lyngba ma Pradhan Mantri Infrastructure Mission (PMABHIM)
Haba ai jingkren ha kane ka jingialang u bah Banteidor Lyngdoh u la kyntu ia ki nongshong shnong ba kin ia shim ia kane ka jaka ai jingsumar bad ki lad jingiarap ba kin sngewtrai ia ka kum ka jong la jong, u la ong ba kane ka jingplie ia kane ka jaka ai jingsumar kan long ka jingmyntoi ia ki paidbah nongshongshnong .
Kane ka sub center kan ai ka jingshakri ka ba bit ba biang katba lah ia ki nongshong shnong, u bah Banteidor Lyngdoh u la kular ban ai ia ka jingker ia katei ka Sub-Center lyngba ka skhim MLA jong u ka Special Rural Works Programme (SRWP)
Ha kane ka sngi plie la pynshongshit shongshngaiñ ia ka jingialang da ki khynnah skuk jong ki skul ba pher ba pher kiba don hapoh ka shnong Lynshing, ka kynhun tem ba paw Ki Sur na Nongkyndong, sordar ShnongLynshing, ki dkhot ka VHC Lynshing, u bah Martle Mukhim, ka Dr. I. Syiem incharge Mawkynrew PHC, ki Health ophisar na District Block & PHC bad nongshong shnong ka shnong Lynshing.
