Shillong, Rymphang 12: Mynta ka sngi u General Secretary jong ka Meghalaya Youth Pradesh Congress Committee (MPYCC) u bah Fernandez S Dkhar u la plie paidbah ia ka “Join Congress Social Media” ha Congress Bhavan Jial Road Shillong.
Haba kren ha ki lat pathai khubor haba plie paidbah ia kane ka “Social Media” jong ka party Congress, u bah Dkhar u la ong ba ia kane ka juh ka Social Media la pplie paidbah ha ka 9/02/2021 ha nongbah Delhi da ki nongalam jong ka party Congress bad mynta ka sngi la plie paidbah ha kane ka jylla Meghalaya.
La batai shuh shuh ba ka jingsdang jong ka party Congress ia kane ka Social Media ha ka Ri India ka long ban ia khun pyrshah ia ki khubor lamler kiba la mih ha kine kiba la pynklumar ia ka jingmut jingpyrkhat ki paidbah.
Na ka liang jong ka Congress ka khot ia kawer ia ki paidbah jong ka Ri India bad jong ka jylla Meghalaya ban ia snoh kti lang ban ia khun pyrshah ia ki khubor lamler kiba la mih ban pynklumar ia ki paidbah.
U Bah Dkhar u la ong ban don bynta ha kane ka Social Media jong ka Congress kam mut ba phi hap ban don ha ka party Congress mano mano ruh lah ban ia don bynta lang ban ia khun pyrshah ia ki khublor lamler kiba lah ban wan rah ia ki jingklumar jingmut ha ki paidbah.
Haba jubab ia ki jingkylli halor ka jingsaphriang jong kine ki khubor lamler, u bah Dkhar u la ong ba ki don katto katne ki website ne ki twitter kiba ialeh ban pynphriang ia ki khubor lamler ha kane ka Ri India bad la kynnoh ruh ba ka don ka jingsiew ia kito kiba pynsaphriang, na ka liang ka Congress kala kren ia kane sha ka sorkar na ka por sha ka por.
