Shillong, Nailar 09: Ka Chief Executive Officer jong ka kompeni iMerit ka Radha Basu kala pynpaw ia ka jingsngew kmen ban iohi ba ka sorkar Meghalaya ka don ka jingiohi jngai bad phai khmat sha ki kam Tejknoloji bad ka jingstad na ki kor ki bor ka ban ialam sha ka roi ka par bad ban pynkylla ia ka ioh ka kot.
Kane ka jingioh jngai ka sorkar Meghalaya ha kaba ia dei bad ki jingioh jingstad na ki kor ki bor ba katkum kane ka juk kaba mynta ka ia hap bad kane ka kompeni jong ki ka IMerit bad kane kan iarap ban weng ia ki jingeh ha ka juh ka por ka long ka lat ioh kam ioh jam ia ki samla.
Ka iMerit ka dei ka kmpeni ba trei kam kylleng ka pyrthei kaba ai jingtip katkum kane ka juk da ki kor ki bor kiba la tip kum ka “artificial intelligence” kane ka kompeni ka don 5000 ngut tam ki nongtrei ha kylleng ka pythei, kum ka America, ki ri Europe, Turkey, Bhutan bad ha India.
Kane ka iMerit ka ai jingtip ha kaba ia dei bad ki km karkhana, kaba ia dei bad ki kam ai jingsumar , ka rep ka riang, ki kali bad ki kali ba iaid da ka bor ding eletrik, ka khaii pateng, ki kam sorkar, ka jingia jingtip ha ka liang ban pyniaid ia ka pisa bad kane ka dei ka kompeni ba ia dei bad ki IA.
Ia kane ka kompeni la plie mynta ka sngi ha IT Park Shillong da u myntri rangbah jylla Meghalaya bad kane ka kompeni kala thung kam 200 ngut ban trei ha kane ka kompnei ha Meghalaya bad 64% kiba la ioh rung kam dei ki kynthei.
